अलैँची टिप्न सुरु
सुबास बस्नेत २०७९, भदौ २० १२:०० 
दोलखा । जिल्लाका अलैँची कृषकहरूले अलैँची टिप्न सुरु गरेका छन् । यहाँका मध्यपहाडी क्षेत्रका लगाइएको अलैँची टिप्न सुरु गरिएको हो । अलैँची साउन अन्तिम सातादेखि टिप्न सुरु गरिन्छ । जिल्लाका प्रायः सबै क्षेत्रमा अलैँचीको खेती हुँदै आएको छ ।
जिल्लाको बिगु, तामाकोशी, बैतेश्वर र गौरीशंकर गाउँपालिकामा बढी अलैँचीखेती हुनेगरेको छ । यद्यपि पछिल्लो समय अलैँचीको मूल्यमा गिरावट आएपछि यसको खेती पनि घट्दै गएको छ । केही वर्षअघि निकै माग र मूल्य रहेको अलैँचीको पछिल्ला वर्षहरूमा भने दुवैमा गिरावट आएको किसानहरूले बताएका छन् । यसवर्ष अलैँची बिक्रीको सुरुवाती समय भएकाले मूल्य न्यून रहेको अलैँची व्यापारी राजकुमार तामाङले बताए ।
गतवर्ष पनि अलैँची किनबेचको सुरुको महिना भदौमा प्रतिकेजी पाँच सय रूपैयाँ रहेको थियो । छिमेकी देश भारतमा यसको माग बढे मंसिरपछि भने मूल्यमा केही सुधार आउनसक्ने तामाङले बताए । मंसिरपछि भने प्रतिकेजी एक हजार रूपैयाँभन्दा माथि हुनसक्ने उनको अनुमान छ । केही वर्षअघि अलैँचीलाई कालो सुनको रूपमा लिइने गरिन्थ्यो । तर पछिल्लो समयमा यसको माग खस्कँदै गएको छ ।
अलैँचीको माग र भाउ ओरोलो लागे पनि जिल्लामा लाखौँको अलैँची उत्पादन हुँदै आएको छ । गतवर्ष दोलखाको बैतेश्वर गाउँपालिकाबाट मात्रै करिब दुई करोडबराबरको अलैँची उत्पादन भएको अलैँची कृषक दिनेश तामाङले बताए । तामाङले गतवर्ष अलैँची बिक्रीबाट ९० हजार आम्दानी गरेको सुनाए । भारत र बंगलादेशमा कात्तिकपछि भाउ र माग वृद्धि भएकाले अघिल्लो वर्ष अलैँची बिक्रीबाट राम्रो आम्दानी लिएको उनको भनाइ छ । यस वर्ष भने अलैँचीको बिरुवामा रोग लागेर धेरै अलैँचीको बोट सुकेको हुँदा उत्पादन घटेको उनले बताए ।
अलैँचीको उत्पादनमा अब्बल मानिने मिर्गे जैनालु गाउँका प्रत्येक किसानले अलैँची बिक्रीबाटै घरखर्च धान्ने गरेका छन् । सिजनमा यहाँका किसानले ४० हजारदेखि चार लाख रूपैयाँसम्म आम्दानी गर्ने गरेको बताउँछन् । जैनालुका किसानलाई भदौदेखि मंसिरसम्मको समयमा अलैँची काट्न र अलैँची सुकाउन भ्याइनभ्याइ हुने गर्छ । गाउँमा रहेकोे दुईटा अलैँची भट्टीमा दैनिक अलैँची सुकाउनेहरूको लाइन लाग्ने गरेको छ ।
क्याटेगोरी : सहकारी–कृषि
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया