काठमाडौं । स्थानीय कृषि उपजहरुको बजारीकरण अभियानमा समर्पित मुना कृषि लिमिटेड चौथो वर्षमा प्रवेश गरेको छ । कम्पनीले नेपालको दिगो विकासका लागि नेपालका रैथाने एवम् स्थानीय कृषि उपजहरुको पहिचान, प्रवर्द्धन, बजारीकरण एवम् संरक्षणमा काम गर्दैआइरहेको छ ।
गैरआवासीय नेपालीहरुको सुरुवातीबाट सुरु भएको कम्पनीले स्थानीय कृषि उपजहरुको उत्पादन, प्रशोधन, बजारीकरण (स्वदेश र विश्वबजारमा) साथै गुणस्तरीयताका लागि अनुसन्धान समेतका प्रयासहरु गर्दै नेपालको कृषि क्षेत्रमा आफ्नो छुट्टै स्थान बनाउन सफल भएको छ ।
२० करोड पुँजीमा दर्ता भएको यो कम्पनीमा हालसम्म एक सय ९४ जना सेयर सदस्यहरु छन् । यस कम्पनीका करिब ६० प्रतिशत सेयरधनीहरू नेपालमै रहेर नेपालको कृषि क्षेत्रको रूपान्तरणका लागि प्रयासरत व्यक्तिहरू रहेका छन् ।
कम्पनीले नेपालको ६८ जिल्लाका विभिन्न समुदायबाट २२ सयभन्दा बढी कृषि उपजहरुको संकलन, सरसफाइ÷प्रशोधन एवम बजारीकरण सुरु गरेको छ ।
यस्तै कम्पनीले नेपालमै उत्पादित वस्तुहरुलाई मुख्य स्थान दिएर पनि भव्य बजार सञ्चालन गर्न सकिन्छ भन्ने उदाहरणस्वरूप मुनाबजार नामक बिक्री केन्द्रहरु समेत सञ्चालन गरेको छ ।
कम्पनीका काठमाडौंमा चारवटा मुनाबजार रहेका छन् । उपत्यकामा सानेपा, गोल्फुटार, भैँसेपाटी र इमाडोल तथा एउटा मुनाबजार पोखराको सृजनाचोकमा सञ्चालन गरिरहेको कम्पनीले जनाएको छ । साथै अनलाइन बिक्रीवितरण समेत गर्दै आएको जनाएको छ ।
‘हामी किन्छौँ पनि, बेच्छौँ पनि !’ भन्ने नारासहित स्वस्थ र सुरक्षित कृषिउपजहरु सिधै उत्पादकबाट खरिद गरी कृषकहरुलाई कृषि उद्यमशीलतातर्फ उन्मुख गर्दै कम्पनीले आगामी दिनमा पनि कृषि पेशालाई सम्मानित पेशाको रुपमा स्थापित गर्दै युवाशक्तिलाई स्वदेशमै कृषिक्षेत्रको रूपान्तरणका लागि प्रेरित गर्ने रणनीति एवं संकल्प लिएको जनाएको छ ।
क्याटेगोरी : सहकारी–कृषि
ताजा अपडेट
- हुस्सु र कुहिरोले हवाई उडान प्रभावित
- २७ सय ५३ बिन्दुमा उक्लियो शेयर बजार
- नबिललाई आठौँ पटक बढी कर तिर्ने बैंकको सम्मान
- मेरो माइक्रो फाइनान्सको नाफा ३६ लाख ५० हजार
- नेरुडे मिर्मिरे लघुवित्तको नाफा ऋणात्मक
- नेसनल लघुवित्तको नाफा १० करोड ४७ लाख
- सूर्योदय लघुवित्तको नाफा ऋणात्मक
- सामुदायिक लघुवित्तको नाफा ऋणात्मक
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया