जीवन बीमा कम्पनीले सात महिनामा संकलन गरे ८७ अर्ब बीमाशुल्क
काठमाडौं । जीवन बीमा कम्पनीहरूले पछिल्लो सात महिनामा करिब ८७ अर्ब रुपैयाँ बीमाशुल्क आर्जन गरेका छन् । नेपाल बीमा प्राधिकरणले सार्वजनिक गरेको तथ्यांकअनुसार चालू आर्थिक वर्षको साउनदेखि माघ मसान्तसम्म १७ वटा जीवन बीमा कम्पनी र तीनवटा लघु जीवन बीमा कम्पनीले कुल ८६ अर्ब ९२ लाख रुपैयाँ बीमाशुल्क आर्जन गरेका छन् । यो रकम गत आर्थिक वर्षको सोही अवधिको तुलनामा चार दशमलव २३ प्रतिशतले बढी हो । गतवर्ष माघ मसान्तसम्म जीवन बीमा कम्पनीहरूले ८३ अर्ब ३९ करोड रुपैयाँँ बीमाशुल्क आर्जन गरेका थिए ।
यसवर्ष सात महिनामा आर्जन भएको बीमाशुल्कमध्ये १६ अर्ब १५ करोड रुपैयाँ प्रथम बीमा शुल्क छ भने ७० अर्ब ७७ करोड रुपैयाँ नवीकरण बीमा शुल्क रहेको छ । यसमध्ये तीनवटा लघु जीवन बीमा कम्पनीको हिस्सा चार करोड २२ लाख रुपैयाँ मात्र छ ।
नेपाल लाइफ इन्स्योरेन्सले सबैभन्दा धेरै २३ अर्ब २० करोड रुपैयाँ बीमाशुल्क आर्जन गरेको छ । धेरै बीमाशुल्क आर्जन गर्ने कम्पनीमध्ये दोस्रो ठूलो कम्पनी लाइफ इन्स्योरेन्स कर्पोरेसन छ । यो कम्पनीले २० अर्ब १४ करोड रुपैयाँ बीमाशुल्क संकलन गरेको छ । नेसनल लाइफ इन्स्योरेन्सले पनि १० अर्ब पाँच करोड रुपैयाँ बीमाशुल्क आर्जन गरेको छ ।
माघ महिनामा मात्रै जीवन बीमा कम्पनीहरूले १२ अर्ब ६७ करोड रुपैयाँ बीमाशुल्क संकलन गरेका छन् । गतवर्ष माघमा ११ अर्ब ७३ करोड रुपैयाँ बीमाशुल्क संकलन गरेका थिए ।
माघ महिनामा मात्रै जीवन बीमा कम्पनीहरूले दुई लाख ७७ हजार ८ सय १७ वटा बीमा लेख जारी गरेका छन् । यसमध्ये तीनवटा लघुबीमा कम्पनीहरूले छ हजार सात सय ८३ वटा बीमालेख जारी गरेका छन् ।
माघ महिनासम्म कुल एक करोड ३७ लाख ९४ हजार एक सय ३७ वटा बीमालेख सक्रिय रहेको बीमा प्राधिकरणले जनाएको छ । यसमध्ये सबैभन्दा धेरै बागमती प्रदेशमा ९७ लाख ९४ हजार दुई सय ७९ वटा बीमालेख सक्रिय रहेका छन् । जुन कुल बीमालेख संख्याको ७१ प्रतिशत हुन आउँछ ।
क्याटेगोरी : बीमा बजार
ट्याग : #Page 1
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया