घट्यो सक्रिय जीवन बीमालेखको संख्या
एक महिनामा १८ अर्ब ५७ करोड रुपैयाँ बीमाशुल्क सङ्कलन
सुरेश राउत २०८१, भदौ २७ १०:५६ 
काठमाडौं । सक्रिय जीवन बीमालेखको संख्या घटेको छ । नेपाल बीमा प्राधिकरणका अनुसार साउन महिनामा सक्रिय जीवन बीमालेखको संख्या गत आर्थिक वर्षको सोही अवधिको तुलनामा दुई दशमलव २४ प्रतिशत अर्थात् तीन लाख १४ हजार दुई सय ८९ ले घटेको छ । एक वर्षअघि साउनमा एक करोड ४० लाख २१ हजार पाँच सय ४० सक्रिय बीमालेख थियो भने यस वर्ष साउनमा यो संख्या घटेर एक करोड ३७ लाख सात हजार दुई सय ५१ वटामा खुम्चिएको छ ।
प्राधिकरणका अनुसार चालू आर्थिक वर्षको साउन महिनामा सञ्चालनमा रहेका १४ वटा ठूला जीवन बीमा कम्पनी र तीनवटा लघु जीवन बीमा कम्पनीहरुसहितका १७ वटा बीमा कम्पनीहरुले कुल पाँच लाख ६४ हजार सात सय ८३ बीमालेख बिक्री गरी १८ अर्ब ५७ करोड ४९ लाख ७० हजार रुपैयाँ कुल बीमाशुल्क आर्जन गरेका छन् । जुन गत आर्थिक वर्षको सोही अवधिको तुलनामा एक अर्ब तीन करोड १९ लाख ४४ हजार रुपैयाँ कम हो । गत आर्थिक वर्षको पहिलो महिनामा जीवन बीमा कम्पनीहरुले यस्तो रकम १९ अर्ब ६० करोड ६९ लाख १४ हजार रुपैयाँ थियो ।
चालू आर्थिक वर्षको साउन महिनामा सरकारी स्वामित्वको राष्ट्रिय जीवन बीमा कम्पनीले पाँच सय ९३ वटा बीमालेख जारी गरी ४६ करोड ८८ लाख १९ हजार रुपैयाँ कुल बीमा शुल्क आर्जन गर्दा नेसनल लाइफ इन्स्योरेन्स कम्पनीले ४५ हजार ४० वटा जीवन बीमालेख जारी गरी दुई अर्ब २६ करोड ५४ लाख ४० हजार रुपैयाँ कुल बीमा शुल्क आर्जन गरेको छ । नेपाल लाइफ इन्स्योरेन्स कम्पनीले पनि यस अवधिमा ५१ हजार नौ सय ८४ वटा बीमालेख जारी गरी पाँच अर्ब ७१ करोड छ लाख ३५ हजार रुपैयाँ कुल बीमाशुल्क आर्जन गरेको छ । लाइफ इन्स्योरेन्स कर्पोरेसन लिमिटेडले भने यस अवधिमा चार हजार सात सय २३ वटा बीमालेख जारी गरी दुई अर्ब सात करोड ८० लाख ९३ हजार रुपैयाँ कुल बीमा शुल्क आर्जन गरेको छ ।
मेट लाइफ इन्स्योरेन्स कम्पनीले ३९ हजार दुई सय १६ वटा बीमालेखमार्फत ५० करोड ५५ लाख ६० हजार रुपैयाँ कुल बीमाशुल्क आर्जन गर्दा एशियन लाइफ इन्स्योरेन्स कम्पनीले २४ हजार ९८ वटा बीमालेख मार्फत ९२ करोड ७३ लाख ५० हजार रुपैयाँ कुल बीमाशुल्क आर्जन गरेको छ । आईएमई लाइफले भने चालू आर्थिक वर्षको साउन महिनामा चार हजार सात सय ४१ वटा बीमालेखमार्फत ५४ करोड २७ लाख ८२ हजार रुपैयाँ कुल बीमाशुल्क आर्जन गर्दा सन नेपाल लाइफ इन्स्योरेन्सले २९ हजार छ सय ४६ वटा बीमालेखमार्फत ४४ करोड ८७ लाख ३२ हजार रुपैयाँ कुल बीमाशुल्क आर्जन गरेको छ ।
रिलायवल नेपाल लाइफ इन्स्योरेन्स कम्पनीले पछिल्लो अवधिमा १६ हजार ४८ वटा बीमालेख जारी गरी ४९ करोड ९७ लाख ७० हजार रुपैयाँ कुल बीमाशुल्क आर्जन गर्दा सिटिजन लाइफ इन्स्योरेन्स कम्पनीले ५३ हजार चार सय ७९ वटा बीमालेखमार्फत ७६ करोड ४१ लाख ४८ हजार रुपैयाँ कुल बीमाशुल्क आर्जन गरेको छ । सूर्यज्योति लाइफ इन्स्योरेन्स कम्पनीले भने ३३ हजार दुई सय ११ वटा बीमालेखमार्फत एक अर्ब १२ करोड ९३ लाख ३४ हजार रुपैयाँ कुल बीमाशुल्क आर्जन गर्दा सानिमा रिलायन्स लाइफले १२ हजार एक सय ९० वटा बीमालेखमार्फत ६७ करोड ५९ लाख ८७ हजार रुपैयाँ कुल बीमाशुल्क आर्जन गरेको छ ।
यसैगरी हिमालयन लाइफ इन्स्योरेन्स कम्पनीले पनि पाँच हजार एक सय सात वटा बीमालेखमार्फत एक अर्ब ९३ करोड ३८ लाख ३४ हजार रुपैयाँ कुल बीमाशुल्क आर्जन गर्दा प्रभु महालक्ष्मी लाइफले २७ सय ११ वटा बीमालेखमार्फत ५८ करोड ७४ लाख ८३ हजार रुपैयाँ कुल बीमाशुल्क आर्जन गरेको छ । प्राधिकरणका अनुसार चालू आवको साउन मसान्तसम्ममा सञ्चालनमा रहेका १४ वटा ठूला जीवन बीमा कम्पनीहरुले मात्र कुल तीन लाख २२ हजार सात सय ८६ वटा बीमालेखमार्फत १८ अर्ब ५३ करोड ७९ लाख ६९ हजार रुपैयाँ कुल बीमाशुल्क आर्जन गरेका छन् ।
लघु जीवन बीमा कम्पनीतर्फ भने तीनवटा जीवन बीमा कम्पनीहरुले चालू आवको पछिल्लो एक महिनामा दुई लाख ४१ हजार नौ सय ९७ वटा बीमालेखमार्फत कुल तीन करोड ७० लाख एक हजार रुपैयाँ कुल बीमाशुल्क आर्जन गरेको छ । जसमध्ये गार्डियन माइक्रो लाइफ इन्स्योरेन्सले दुई लाख २७ हजार चार सय ६१ वटा बीमालेखमार्फत एक करोड ८८ लाख ४८ हजार रुपैयाँ कुल बीमाशुल्क आर्जन गर्दा क्रेष्ट माइक्रोलाईफले छ हजार आठ सय ९३ वटा बीमालेखमार्फत एक करोड २९ लाख ८४ हजार रुपैयाँ कुल बीमाशुल्क आर्जन गरेको छ । यसैगरी लिवर्टी माइक्रो लाइफ इन्स्योरेन्सले पनि चालू आवको पछिल्लो एक महिनामा सात हजार छ सय ४३ वटा बीमालेख जारी गरी ५१ लाख ७७ हजार रुपैयाँ कुल बीमाशुल्क आर्जन गरेको छ ।
क्याटेगोरी : बीमा बजार
ट्याग : #Page 1
ताजा अपडेट
- दहचोकस्थित इन्द्रदहमा स्नान तथा मेला भर्न भक्तजनको घुइँचो
- जोमसोमको ऐतिहासिक काठेपुल सौन्दर्यकरण गरिँदै
- २५ सय ७६ बिन्दुमा खुम्चियो शेयर बजार
- ‘संविधानलाई प्रभावकारी बनाउन आपसी सहकार्य र समन्वय आवश्यक छ’
- बुद्ध एयरले भारतको वाराणसीमा उडान थप्यो
- ट्याक्टर सेती नदीमा खस्दा दुई जना बेपत्ता
- शिक्षा क्षेत्रको पछ्यौटेपन हटाउन सरकार लागिपरेको छ: प्रधानमन्त्री
- दिल्लीका मुख्यमन्त्री केजरीवालद्वारा पदबाट राजीनामा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया