काठमाडौं,बैशाख ११
भीमदत्त नगरपालिकाको पहलमा कोरोना भाइरस (कोभिड १९) संक्रमण मध्यनजर गरी महाकाली अस्पतालका लागि संकलन गरिएका स्वास्थ्य सामग्री हस्तान्तरण गरिएको छ ।भीमदत्त नगरपालिकाकी उपप्रमुख सुशीला चन्दले अस्पताल विकास समितिका अध्यक्ष कृष्णदत्त जोशीलाई पीपीई र मास्क हस्तान्तरण गरेकी हुन् । इन्टरनेशनल पब्लिक स्कुलले अस्पतालका लागि ३५ थान पीपीई र एक सय थान मास्क दिन भीमदत्त नगरपालिकालाई हस्तान्तरण गरेको थियो ।
अध्यक्ष जोशीलाई हस्तान्तरण गर्न अघि इन्टरनेशनल स्कुलका प्रबन्धनिर्देशक महाशर्मा न्यौपानेले नगर उप प्रमुख चन्दलाई सामग्री हस्तान्तरण गरेका थिए । सामग्री हस्तान्तरणपछि नगर उपप्रमुख चन्दले कोरोना महामारी विश्व मानव समुदायका लागि चुनौतीका रुपमा देखा परेको उल्लेख गर्दैै सबै क्षेत्र, व्यक्तिले आ–आफ्नो स्थानबाट सक्दो सहयोग गर्नुपर्ने बताइन् ।
भीमदत्त नगरपालिकाका नगर प्रमुख सुरेन्द्र विष्टले केही दिनअघि कोरोना संक्रमणलाई मध्यनजर गरी निजी शिक्षण संस्थाका संगठन प्याब्सन र एन प्याब्सनसँग अस्पतालका लागि स्वास्थ्य सामग्रीलगायत सहयोग जुटाउन छलफल गरेका थिए । निजी शिक्षण संस्थाहरुले छलफलमा अस्पताल र नगरपालिकालाई आवश्यक सहयोग गर्ने प्रतिबद्धता गरेका थिए । छलफलमा गरिएको प्रतिबद्धताअनुसार इन्टरनेशल पब्लिक स्कुलले अस्पतालका लागि नगरपालिकालाई स्वास्थ्य सामग्री हस्तान्तरण गरेको हो । भीमदत्त नगरपालिकाले कोरोना संक्रमण रोकथामसहित अस्पताल सुधारका लागि सहयोग गर्दैै आएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया