एक्युफिट म्याक्स जीटी स्मार्ट वाच सार्वजनिक

काठमाडौं । एक्युफिट म्याक्स जीटी स्मार्टवाच नेपालमा लन्च भएको छ । टेक कम्पनीले लन्च गरेको स्मार्टवाच सिमलेस ब्लुटुथका लागि उपयुक्त हुने कम्पनीले जनाएको छ । यसले नाडीमा रक्सञ्चारलाई समेत सहयोग गर्ने कम्पनीको दाबी छ ।

उन्नत ब्लुटुथ टेक्नोलोजीले सुसज्जित यो स्मार्ट घडीले प्रयोगकर्ताको स्मार्टफोनसँग सहज रूपमा सिंक गर्छ, जसले तत्काल कल नोटिफिकेसनहरू र ह्यान्ड्स–फ्री कल गर्न अनुमति दिन्छ । यस्तै, बिल्ट–इन स्पिकर र माइक्रोफोनले आवाजलाई गुणस्तरीय बनाउने दाबी पनि कम्पनीको छ । एक्युफिट म्याक्स जीटी वाचले प्रयोगकर्तालाई आफ्नो फोनको सम्पर्कमा पहुँच गर्न, भर्खरको कल इतिहास हेर्न र टेक्स्ट मेसेजहरू सिधै आफ्नो नाडीमा बाँधिएको स्मार्टवाचबाट पठाउन सक्ने सुविधा दिएको छ । पातलो र सहज टच स्क्रिन, इन्टरफेसको साथ घडीको कार्यक्षमतामार्फत फोनको काम समेत गर्न सकिने बताइएको छ ।

कम्पनीका अनुसार फिटनेसमा ध्यानदिनेहरूले स्मार्ट घडीमा निर्मित स्वास्थ्य र गतिविधि ट्र्याकिङ सुविधाकोप्रयोग समेत गर्न सक्नेछन् । यसले मुटुको चलायमान दर, ट्र्याक स्टेप्स, खपत भएको क्यालोरीहरू गणना गर्न र व्यक्तिगत फिटनेस सिफारिसहरू पनि प्रदान गर्न सक्छन् । यो ब्लुटुथ कलिङ स्मार्ट वाचको सुरुवातले वेयरेबल सञ्चार उपकरणहरूमा महत्वपूर्ण कदम अगाडि बढाएको कम्पनीको भनाइ छ । एक्युफिट म्याक्स जीटी अब छदेखि १२ जुलाई अर्थात् असार २१ गतेदेखि २७ गतेसम्म इ–कमर्स दराजमार्फत मात्र खरिदका लागि उपलब्ध छ । कम्पनीको पहिलो १०० प्रारम्भिक ग्राहकहरूले यो घडी मात्र दुई हजार चार सय ९९ रुपैयाँमा नै पाउने भएका छन् ।