महिन्द्राको ‘स्कर्पियो–एन’ नेपालमा

काठमाडौं । महिन्द्राले आफ्नो नयाँ स्कार्पियो–एन नेपालमा ल्याएको छ । भारत, दक्षिण अफ्रिका र अस्ट्रेलियापछि नेपाली बजारमा पनि यस आइकोनिक एसयूभी सार्वजनिक भएको हो ।

महिन्द्राले नयाँ स्कर्पियो–एन सार्वजनिक गरेसँगै काठमाडौं, इटहरी र धनगढीमा आफ्नो एसयुभी नेटवर्क विस्तार गरेको जनाएको छ । अहिलेसम्म प्रवेश गरेको हरेक बजारमा उपभोक्ताहरूको मन जितेको दाबी गर्दै कम्पनीले यो ब्राण्डले विश्वव्यापी मान्यता पाइसकेको दाबी गरेको छ । भारतमा स्कर्पियो–एन ३० मिनेटभन्दा कम समयमा एक लाख युनिट बुकिङ भएको थियो । त्यसैगरी, दक्षिण अफ्रिकामा पनि स्कर्पियो–एनले लन्च भएदेखि नै ग्राहकबाट सकारात्मक प्रतिक्रिया पाएको छ । महिन्द्रा एन्ड महिन्द्रा लिमिटेडका अन्तर्राष्ट्रिय अपरेसन, अटोमोटिभ सेक्टरका प्रमुख सचिन अरोलकरले अल–न्यू स्कर्पियो–एनको डिजाइन, अत्याधुनिक सवारी सञ्चालन र ह्यान्डलिङ, रोमाञ्चकारी प्रदर्शन, उन्नत टेक्नोलोजी, सुरक्षाको सुनश्चितता र निःसन्देह क्षमताले नयाँ युगको प्रतिनिधित्व गर्ने बताए ।

अग्नि ग्रुपका प्रबन्ध निर्देशक क्याबिनेट श्रेष्ठले स्कर्पियो–एन साहसिक कार्यको लागि तयार पारिएको बताए । संसारभरको सबैभन्दा चुनौतीपूर्ण भू–भागमा यो परीक्षण गरिएको उनको दाबी छ । नयाँ स्कार्पियो–एनमा तीन वर्ष वा एक लाख किलोमिटरको वारेन्टी प्लान छ । नयाँ स्कर्पियो–एन डिप फरेस्ट, नेपोली ब्ल्याक, एभरेस्ट ह्वाइट, रेड रेज र ड्याजलिङ सिल्भर पाँचवटा बडी कलर अप्सनमा उपलब्ध हुनेछ । द स्कर्पियो–एन एमहक (डीजल) इन्जिनयुक्त १२८ दशमलव ६ किलोवाट (१७५ पीएस) शक्ति र ४०० एनएम टकको पनि छ, दुवै म्यानुअल र अटोमेटिक सिक्स स्पिड ट्रान्समिसन र फोरह्वील ड्राइभको सुविधा समेत रहेको कम्पनीले जनाएको छ ।