शाओमीको रेड्मी १२ बजारमा

काठमाडौं । शाओमीले रेड्मी १२ नेपाली बजारमा सार्वजनिक गरेको छ । रेड्मी सिरजअन्तर्गतको यो मोडेल सार्वजनिक गर्दै कम्पनीले ग्राहकमैत्री फिचर र सुपथ मूल्यका कारण ग्राहकको मन जित्ने विश्वास व्यक्त गरेको छ ।

यो फोनमा १२ एनएममा निर्मित ओक्टा कोर मिडियाटेक हिलियो जी ८८ प्रोसेसर, डिभाइसमा २४६०×१०८० को रिजोलुसन र ३९६ पीपीआईसहितको ६ दशमलव ७९ इन्च एफएचडी प्लस डट डिस्प्ले रहेको कम्पनीले जनाएको छ । यस डिभाइसमा १५००ः१ को कन्ट्रास रेसियो, ७० प्रतिशत एनटीएससी कलर ग्यामट तथा ५५० निट्ससम्मको अधिकतम ब्राइटनेस उपलब्ध हुने बताइएको छ । यसमा ट्रिपल रियर क्यामेरा सेटअप रहेको छ, जसमा ५० मेगा पिक्सेलको मेन क्यामेरा, १२० डिग्री फिल्ड अफ भ्यु भएको आठ मेगा पिक्सेल अल्ट्रा–वाइड क्यामेरा र दुई मेगा पिक्सेल म्याक्रो क्यामेरा समावेश छ ।

फोनमा ५००० एमएयाच ब्याट्री जडान गरिएको छ । मोबाइलमा १८ वाट फास्ट चार्जिङ सुविधा समेत रहेको छ । कम्पनीका अनुसार रेड्मी १२ मिडनाइट ब्ल्याक, स्काई ब्लु र पोलर सिल्भर गरी तीन रंगहरूमा र ६/१२८ जीबी र ८/२५६ जीबी भेरियन्टमा उपलब्ध हुनेछ । साथै, यसमा एक टीबीसम्म एक्स्पाण्डेबल स्टोरेज सुविधा रहेको छ । यसको बजारमूल्य १७ हजार नौ सय ९९ रुपैयाँ र २० हजार नौ सय ९९ रुपैयाँ तोकिएको छ ।