विराटनगरमा महिन्द्रा पावरोल डिजल जनेरेटरको डिलर

काठमाडौं । अग्नि मोटोइङ्कले विराटनगरमा महिन्द्रा पावरोल डिजल जनेरेटरहरू नयाँ डिलर सञ्चालनमा ल्याएको छ । एमएस प्याक्ट पावर प्रालिको नामबाट महिन्द्रा पावरोलको नयाँ डिलर सार्वजनिक भएको हो ।

कार्यक्रममा अग्नि ग्रुपका एमडी क्याबिनेट श्रेष्ठले महिन्द्रा पावरोल नेपालको जनेरेटर उद्योगमा अग्रणी र सबै रोजाइमा रहेको दाबी गरे । महिन्द्रा पावरोलले आवश्यकताअनुसार जेनेरेटर उपलब्ध गराउने बताए । देशभरका निर्माण, होटल, अस्पताल, बैंक र सरकारी कार्यालयमा समेत सो कम्पनीको जेनेरेटर लोकप्रिय रहेको दाबी गर्दै श्रेष्ठले यो सेवा विराटनगरमा पनि विस्तार गर्न पाउँदा आफूहरू खुसी रहेको बताए ।

प्याक्ट पावरका एमडी दर्शन कार्कीले महिन्द्रा पावरोल डिजल जनेरेटरहरूले कम ध्वनि प्रदूषण गर्नुका साथै इन्धन बचत गर्ने दाबी समेत गरे । ग्राहकको सन्तुष्टि तथा बिक्रीपछिको सेवामा विशेष ध्यान दिने भएकोले यो कम्पनी ग्राहकमाझ लोकप्रिय रहेको उनको बुझाइ थियो ।

अग्नि ग्रुपले महिन्द्रा युटिलिटी भेहिकल, ट्र्याक्टर तथा इलेक्ट्रिक सवारीको आयात तथा वितरण गर्ने गरेको छ । हाल महिन्द्रा पावरोल जनेरेटर पाँच केभिएदेखि ६२५ केभीएसम्मका २८ मोडेल नेपाली बजारमा उपलब्ध छन् । यसका साथै महिन्द्रा पावरोलले आफ्ना जनेरेटरमा राम्रो इन्धन कुशलता र कम कार्बन उत्सर्जन गर्ने विश्व प्रमाणित डिजिटल पावर नियन्त्रण (डीपीसी) मोड्यूलहरू प्रयोग गर्दछ ।