कोकाकोलाको दक्षिणपश्चिम एसियाको भाइस प्रेसिडेन्टमा बथिजा

काठमाडौं । कोका–कोला इन्डियाले अजय विजय बथिजालाई फ्रान्चाइज अपरेसन फर साउथवेस्ट एसियाको भाइस प्रेसिडेन्टको रूपमा नियुक्त गरेको छ । कोकाकोला कम्पनीमा अजयले २४ वर्ष मार्केटिङ र फ्रान्चाइजमा एक्स्पर्टिजका रूपमा काम गरेका छन् ।

सन् १९९९ मा अजयले हिन्दुस्तान कोकाकोला बेभरेज प्रालि र फ्रन्ट लाइन सेल्स टिमसँग आफ्नो व्यावसायिक यात्रा सुरु गरेका थिए । उनी २००५ मा स्याब्को भियतनाममा मेकोङ डेल्टा क्षेत्रको लागि रिजन म्यानेजर पनि रहेका थिए । यो निर्णायक भूमिकामा उनले भोल्युम ड्राइभ गर्न सेल्स अपरेसन र रुट–टु–मार्केट रणनीतिको नेतृत्व गरेका थिए । पछि उनले कोलाजका लागि मार्केटिङ डाइरेक्टरको रूपमा भारत फर्केर ‘सेयर अ कोक’ अभियानको नेतृत्व पनि गरेका थिए । उनले सफलतापूर्वक कोकाकोला जिरो सुगर पहिलोपटक (भारत र दक्षिणपश्चिम एसिया) बजारमा ल्याएका थिए । उनले एकीकृत मार्केटिङ अभियानमार्फत थम्स अपलाई पुनरुत्थान गर्न पनि महत्वपूर्ण भूमिका खेलेको कम्पनीले जनाएको छ ।

यस्तै, सन् २०१८ देखि २०२० सम्म बंगलादेशका लागि कन्ट्री म्यानेजरको रूपमा अजयले विश्वव्यापी रूपमा द कोकाकोला कम्पनीभित्र बंगलादेशलाई कोकाकोलाका टप तीन बजारमा ल्याउन बोटलिंग पार्टनरहरूसँग नजिक रहेर काम गरेको कम्पनीले जनाएको छ ।