खल्तीको अफरमा पाँच जनाले जिते पल्सर एन १६०

काठमाडौं । खल्तीको वार्षिक अफर ‘द बिगेस्ट पेमेन्ट जात्रा’ मा पाँच जनाले पल्सर एन १६० जितेका छन् । आठ लाख ६८ हजारभन्दा बढी प्रयोगकर्ताको सहभागिता रहेको सो जात्रा असार ३१ गते सकिएको थियो ।

अफरमा पाँच जनाको लागि पल्सर एन १६० बाइक, दुई जनालाई आईफोन १४, वानप्लस ११, डायमण्ड रिङलगायतका उपहारहरू समावेश गरिएको थियो । यसबाहेक प्रयोगकर्ताले प्रत्येक भुक्तानीपछि स्क्र्याच कार्ड प्राप्त गरेको कम्पनीले जनाएको छ ।

त्यस्तै, प्रत्येक दिन भर्चुअल खुत्रुकेबाट ५० वटा स्मार्टवाचहरू, ३० वटा इयरबडहरू, पाँच सयवटा चलचित्र टिकटहरू र करोडौँ मूल्यका कुपनहरू वितरण गरिएको थियो । पाँचवटा पल्सर बाइकका बिजेताहरू यसअफर अवधिभर फेसबुक लाइभमार्फत घोषणा भइसकेको कम्पनीले जनाएको छ । पल्सर बाइकका विजेतामा बिटु साह कल्वार, प्रदीप धिताल, लक्ष्मण डेली स्टोर, नरेन्द्र महर्जन र निहाल आयुर्वेदिक फर्मा रहेका छन् । बाइकहरू विभिन्न चार राउन्ड र बोनस राउन्ड गरी पाँच राउन्डमा वितरण गरिएको थियो । साथै, अन्य बम्पर उपहारहरूका भाग्यशाली विजेताहरू पनि घोषणा भइसकेको कम्पनीले जनाएको छ । दुई महिनाको अवधिमा अन्य उपहार र कुपनमार्फत दुई करोड ९० लाखभन्दा बढी र खुत्रुकेमार्फत पाँच करोड ३० हजारभन्दा बढीको उपहार खल्ती प्रयोगकर्ताले पाएको कम्पनीले जनाएको छ ।