कोकाकोलाद्वारा युथ डाइलग इभेन्ट आयोजना

काठमाडौं । कोकाकोलाले युथ डाइलग इभेन्ट आयोजना गरेको छ । ग्लोकल प्रालिले कार्यान्वयन गरेको कोकाकोला युथ डाइलग इभेन्टमा ‘रोल अफ युथ टुवार्ड्स सस्टेनेबल वल्ड’ सम्बन्धी प्रेरणादायी छलफलहरू प्रस्तुत भएका थिए । पछिल्लो युथ डाइलग इभेन्ट अन्तर्राष्ट्रिय युवा दिवसको अवसरमा काठमाडौं डन बस्को कलेजमा सम्पन्न भएको थियो ।

कोकाकोला नेपालद्वारा सपोर्ट गरिएको सो कार्यक्रममा तीन प्यानेलिस्टहरू अनुष्का श्रेष्ठ, सीईओ-को–फाउन्डर, मक्कुसे, पूर्वमिस नेपाल २०१९, सृष्टि वैद्य, वैद्य ग्रुपका फाइनान्स एण्ड एचआर डाइरेक्टर र ग्लोबल सेपर्सका लागि क्युरेटर काठमाडौं हब र स्नेहा श्रेष्ठ कम्युनिकेसन एन्ड सस्टेनेबिलिटी म्यानेजर, कोका–कोला बेभरेज नेपाल रहेका थिए । यस कार्यक्रमले दिगो पहलमा सक्रिय सहभागी बन्न युवालाई सशक्तीकरण र संलग्न गराउने महत्वलाई जोड दिएको थियो । उक्त कार्यक्रममा एक सयभन्दा बढी विद्यार्थीहरू सहभागी भएका थिए ।