इन्फोडेभलपर्स र जिल्ला सहकारी संघ काभ्रेबीच रणनीतिक साझेदारी

काठमाडौं । सहकारीलाई सफ्टवेयरलगायत सेवा सुविधा प्रदान गर्दै आएको इन्फोडेभलपर्स प्रालि र जिल्ला सहकारी संघ, काभ्रेबीच रणनीतिक साझेदारी भएको छ । सानेपास्थित इन्फोडेभलपर्सको कार्यालयमा इन्फोडेभलपर्सका कार्यकारी निर्देशक प्रविन सुवेदी, राष्ट्रिय सहकारी महासंघका महाप्रबन्धक चित्रा कुमारी थामसुहाङ्ग सुब्बा र काभ्रे जिल्ला सहकारी संघका कोषाध्यक्ष राजन शाक्यले साझेदारी पत्रमा हस्ताक्षर गरेका हुन् ।

सहकारी क्षेत्रलाई प्रविधिमैत्री बनाउनुका साथै स्वनियम र सुशासन कायम राख्न सहयोग पु¥याउँदै आएको उत्कृष्ट सफ्टवेयर कम्पनीसँग साझेदार हुन पाएकोमा संघका कोषाध्यक्ष राजन शाक्यले आफूलाई खुसी लागेको बताए । यसैगरी राष्ट्रिय सहकारी महासंघका महाप्रबन्धक चित्राकुमारी थामसुहाङ्ग सुब्बाले यो साझेदारीले राष्ट्रिय सहकारी महासंघका सहकारीलाई डिजिटाइजेसन एवम् कोप भिजन २०३० लाई समेत सेवा पु-याउने बताइन् । त्यस्तै, कम्पनीका कार्यकारी निर्देशक प्रविन सुवेदीले सहकारी क्षेत्रको स्वामित्व, विकास र उत्कृष्टताका लागि यो साझेदारी कोषेढुङ्गा सावित हुने बताए । साथै, आगामी दिनमा अन्य जिल्ला सहकारी संघहरूसँग समेत सहकार्य गर्दै जाने जानकारी दिए ।