एनसेललाई सम्मान

काठमाडौं । काठमाडौं उपत्यका अपराध अनुसन्धान कार्यालयले एनसेल आजियाटा लिमिटेडलाई सम्मान गरेको छ । कार्यालयले अपराध अनुसन्धान तथा समग्र कार्यसम्पादनमा अतुलनीय योगदान पु¥याएको भन्दै एनसेललाई मंगलबार सम्मान गरेको हो ।

कार्यालयले एनसेलका सम्राट अमात्य र कृष्ण भुसाललाई एनसेलको तर्फबाट प्रदान गरेको योगदानको उच्च कदर र मूल्यांकनस्वरूप प्रशंसा पत्र प्रदान गरेको थियो । काठमाडौंमा आयोजित एक कार्यक्रममा काठमाडौं उपत्यका अपराध अनुसन्धान कार्यालयका प्रमुख एसएसपी डा मनोजकुमार केसीले प्रशंसा पत्र प्रदान गरेका थिए ।

एनसेलले सामाजिक उत्तरदायी संस्थाका रूपमा सुरक्षा र अन्य सरकारी निकायलाई कानुनबमोजिम आवश्यक सहयोग प्रदान गर्दै आएको छ । एनसेलले सुरक्षित समुदाय र समाज विकासमा समेत सहयोग पु¥याउँदै आएको छ । एनसेलले ‘यो सम्मान समुदाय र जनताको हितका लागि कम्पनी काम गर्न प्रतिबद्ध रहेको छ भन्ने प्रमाण भएको’ बताएको छ । नेपाल प्रहरीले प्रहरी दिवसको अवसरमा २०७८ / २०७९ सालमा पनि एनसेललाई सम्मान गरेको थियो ।