शिवम् सिमेन्ट सम्मानित

काठमाडौं । शिवम् सिमेन्ट लिमिटेड अर्गनाईजेसन सेल्स इक्स्लेन्ट अवार्ड–२०२३ बाट सम्मानित भएको छ । ग्रोथ सेलरद्वारा आयोजित सेल्स समिट कार्यक्रममा शिवम् सिमेन्ट अर्गनाईजेसन सेल्स इक्स्लेन्ट अवार्ड र सिमेन्टका भाइस प्रोसिडेन्ट निखिल अग्रवाल इन्डिभिज्युअल सेल्स इक्स्लेन्ट अवार्डबाट सम्मानित भएका हुन् ।

यसअघि शिवम् सिमेन्ट एनएस क्वालिटी अवार्ड–२०१९ प्रथमबाट सम्मानित भइसकेका छन् । त्यस्तै, बेस्ट म्यानेज्ड कम्पनी अफ द एयर २०२२ अवार्ड पनि प्राप्त गरेको छ । ५३ ग्रेड तथा ४३ ग्रेडको ओपीसी सिमेन्ट उत्पादन तथा बिक्रीवितरण गर्दै आइरहेको शिवम् ओपीसी सिमेन्टले देशका राष्ट्रिय गौरवका योजना तथा अन्य ठूला–ठूला परियोजनामा महत्वपूर्ण भूमिका निर्वाह गर्दै आएको जनाएको छ ।