दशौं ‘नेपाल भर्चुअल एजु फेयर’ सुरु

काठमाडौं । दशौँ नेपाल भर्चुअल एजु फेयर सुरु भएको छ । नेपाल भर्चुअल एजुकेसन प्रालिको आयोजनामा मंगलबारदेखि भर्चुअल एजु फेयर सुरु गरेको हो । स्नातक तहका व्यवस्थापन आईटी, इन्जिनियरिङलगायतका विभिन्न विभागका प्रोग्रामहरू सञ्चालन गरेका कलेजहरूले भर्चुअल एजु फेयरमार्फत आफ्नो कलेजको प्रमोसन गर्ने अवसर पाएका छन् भने स्नातक तहमा पढ्ने तयारी गरेका, प्लस टु पास भएका विद्यार्थीले कुन प्रोगाम र कुन कलेज आफ्नो लागि उपयुक्त हुन्छ भनेर घरमै बसीबसी भर्चुअल टुरमार्फत जानकारी प्राप्त गर्ने अवसर प्राप्त गर्ने बताइएको छ ।

साथै, नेपाल एजु फेयरमा रजिस्ट्रेसन भएका विद्यार्थीले विभिन्न कलेजमा पूर्ण र आंशिक दुवै खालको छात्रवृत्ति समेत प्राप्त गर्न सक्ने अवसर पनि रहेको आयोजकले जनाएको छ । नेपाल भर्चुअल एजु फेयरका एकेडेमिक हेड राजेन्द्रप्रसाद अधिकारीका अनुसार आर्थिकरूपमा विपन्न तर पढाइमा राम्रो गरेका जेहन्दार अनि विभिन्न क्षेत्र, जात र समुदायका सयौंँ विद्यार्थीलाई एजु फेयरको सहयोगबाट छात्रवृत्ति प्रदान गरिनेछ ।