बाँके, वैशाख २१
बाँकेमा लकडाउनका कारण धराशायी भएको औद्योगिक, व्यावसायिक क्षेत्रले सरकारसँग राहत माग गरेका छन् । नेपालगञ्ज उद्योग वाणिज्य संघका अध्यक्ष अब्दुल वाहिद मन्सुरीको अध्यक्षतामा बसेको बैठकले कोरोना भाइरसका कारण उद्योगी, व्यवसायीहरुमा पर्न गएको प्रभावका सम्बन्धमा सरकारसँग राहत प्याकेज माग गरेको हो ।
‘बन्द भएका उद्योगहरु र व्यावसायिक फर्महरुलाई बन्दाबन्दी लकडाउनको समयमा हुन आउने २०७६ चैत्र महिनादेखि २०७७ असार मसान्तसम्म बैंक ब्याज मिनाहा गर्न, ऋण लिएका उद्योगी, व्यवसायीहरुलाई कम्तीमा पनि ३० प्रतिशत पुनर्कर्जा व्यवस्था गर्न र किस्ताको रुपमा चल्ने ऋणलाई व्यवसायीको मागअनुसार पुनर्तालिकीकरण गर्नुपर्ने’ माग गर्ने निर्णय गरेको हो । संघका महासचिव चिरञ्जीवी ओलीले बैठकले साना व्यवसायीहरुलाई आर्थिक वर्ष २०७६÷०७७ को आयकरमा ५० प्रतिशत, स्थानीय निकायले लिने व्यावसायिक करमा ५० प्रतिशत र घर बहाल करमा शतप्रतिशत छुट दिनुपर्ने माग गर्ने निर्णय गरेको जानकारी दिएका छन् ।
विद्युत् कार्यालयले उद्योगहरुमा डिमाण्ड शुल्कबापत लिने शुल्कमा शतप्रतिशत र आम नागरिकको हकमा ५० प्रतिशत मिनाहा गर्न सरकारसँग जोडदार माग गर्ने निर्णय बैठकले गरेको महासचिव ओलीले जानकारी दिए । अत्यावश्यकीय र उत्पादनमूलक उद्योगहरु छिटोभन्दा छिटो सञ्चालन गराउन सरकारको तर्फबाट सहज वातावरण मिलाउनुपर्ने महासचिव ओलीले जानकारी दिए ।
खुल्ला सीमाका कारण कोरोना भाइरस भित्रिनसक्ने उच्च जोखिम यथावत् भएको हुँदा कृषि उत्पादन र अन्य स्वदेशी उत्पादनलाई बढावा दिने गरी सम्बन्धित निकायहरुले उत्पादन, बजारीकरण, ढुवानी र आपूर्ति व्यवस्थालाई सहज बनाउदै लैजानुपर्ने र हालकै अवस्थामा सीमा नाका अझ कडाइका साथ बन्द गर्नका लागि दबाब दिने निर्णय भएको उद्योग वाणिज्य संघले जारी गरेको विज्ञप्तिमा उल्लेख छ । संघको बैठकले बजारमा यदाकदा बजारमूल्य भन्दा अतिरिक्त दरमा बस्तुहरु बिक्री गरेका गुनासाहरु आइरहेको हुँदा सम्पूर्ण उद्योगी, व्यवसायीलाई अधिकतम खुद्रा मूल्यभन्दा बढीमा बिक्री वितरण नगर्न, नगराउन आग्रह गरेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया