जेडी पावरको २०२३ अपिल अध्ययनमा चेरीको टिग्गो सिरिज पहिलो स्थानमा

काठमाडौं । जेडी पावरले आफ्नो २०२३ अपिल अध्ययन प्रकाशित गरेको छ । सो अध्ययनमा चेरीको टिग्गो सिरिजको मध्यम आकारका किफायती ‘एसयूभी’मा टिग्गो ७ पहिलो स्थानमा र मध्यम आकारका एसयूभी’मा चै टिग्गो ८ पहिलो स्थान जित्न सफल भएको उल्लेख छ ।

साथै, चेरी चर्चित अवार्डबाट सम्मानित समेत भएको बताइएको छ । यसले ग्राहकमा बढ्दै गइरहेको लोकप्रियतालाई झन् नयाँ उचाइमा पु-याउने उल्लेख छ । नियमितरूपमा अनुसन्धान प्रतिवेदन प्रकाशन गर्दै आइरहेको जेडी पावर अहिले चिनियाँ बजारमा पनि स्थान ओगट्न थालेको छ । २१ औँ वर्षमा आइपुग्दा कम्पनीको अपिल अध्ययनले जुन २०२२ देखि मार्च २०२३ सम्म किनिएका ३५ हजार एक सय ५५ इन्धन गाडीलाई आफ्नो अध्ययनमा समेटेका छन् । यस अनुसन्धानमा २०२२ डिसेम्बरदेखि २०२३ मेसम्म ८१ मुख्य चिनियाँ सहरमा फरकफरक ४८ ब्रान्डका २३० मोडेलहरू सामेल गरिएको थियो ।

२०२३ मा चीनको इन्धन यातायात उद्योगले ७३८ अंक वृद्धिसँगै अहिलेसम्मकै उच्च सूचकाङ्क छोएको छ, जुन अघिल्लो वर्षभन्दा ८ अंकको सुधार हो । यसले उपभोक्ताको गाडी खरिदको निर्णयमा उत्पादन अपिलको बढ्दो महत्वलाई जोड दिन्छ । विशेषगरी उत्पादन डिजाइनले गाडी परिवर्तन गर्नेमा ३७ प्रतिशत र पहिलो पटक खरिद गर्नेमा ३३ प्रतिशत रहेको पाइएको छ । प्रतिवेदनअनुसार चेरीको टिगो विश्वव्यापी एसयूभी बजार खण्डमा एक शक्तिको रूपमा उभिएको उल्लेख छ । यी मोडेलहरूले शक्ति, लोकप्रियता र विश्वव्यापी प्रतिस्पर्धाको प्रतिनिधित्व गर्दै, २०२३ अपिल अध्ययनमा शीर्ष स्थानहरू सुरक्षित गरेको बताइएको छ ।