बीवाईडीको ‘डल्फिन अन द रोड’ अभियान

काठमाडौं । नेपालका लागि बीवाईडी अटो उद्योग कम्पनीको आधिकारिक वितरक सिमेक्स ईन्क प्रालिले ‘डल्फिन अन द रोड’ अभियान सञ्चालन गरेको छ । कम्पनीको सो क्याम्पेन बुधबारदेखि सुरु भएको र आगामी सोमबारसम्म चल्ने कम्पनीले जनाएको छ ।

कम्पनीको डल्फिन भदौ २६ गते नाडा अटो सोमा सार्वजनिक गर्ने तयारी छ । बीवाईडी डल्फिनलाई स्टाइलिस डिजाइनमा बेरेर काठमाडांैको सडकमा कुदाइएको छ । रोडमा डल्फिन कुदाएको भेटाएर त्यसको भिडियो सामाजिक सञ्जालमा सार्वजनिक पोस्ट गर्नेले एक लाख रुपैयाँ जित्न समेत सक्ने पनि कम्पनीले जनाएको छ । डल्फिन भेटिएपछि सोको भिडियो बनाएर ह्यासट्याग बीवाईडी डल्फिन ह्यासट्याग डल्फिन अन द रोड लेखेर कम्पनीको आधिकारिक पेजमा ट्याग गरी पोस्ट गर्नुपर्ने बताइएको छ । सो पोस्ट गर्ने तीन भाग्यशाली विजेताले नगद एक लाख रुपैयाँ प्राप्त गर्ने बताइएको छ । यस्तै, अन्य आकर्षक पुरस्कार पनि पाइने बताइएको छ । साथै, प्रत्येक सहभागीले नाडा अटो सोमा सहभागी हुन निःशुल्क टिकटहरू पाउने बताइएको छ ।