लिट्मस केबल्सको इकोवायर–जेडएच

काठमाडौं । लिट्मस केबल्सले जर्मन प्रविधिद्वारा नेपालमै उत्पादन गरिएको इकोवायर–जेडएच सार्वजनिक गरेको छ । कम्पनीले एक समारोहका बीच सार्वजनिक गरिएको हो ।

ह्यालोजनमुक्त इकोवायर–जेडएच नेपालको विद्युतीय उद्योगमा कोशेढुङ्गाको रूपमा रहनुका साथै यसले उच्च कोटीको सुरक्षा दिने बताइएको छ । नवीनतम प्रविधियुक्त इकोवायर–जेडएचले आगलागीको जोखिमलाई कम गर्नुका साथै जीवन तथा धनमालको सुरक्षामा योगदान पु-याउने बताइएको छ । इकोवायर–जेडएच सार्वजनिक कार्यक्रममा लिट्मस इन्डस्ट्रिज लिमिटेड प्रबन्ध निदेशक रोहित गुप्ताले इकोवायर–जेडएच नेपालमै पहिलो ह्यालोजन मुक्त एकमात्र तार भएको दाबी गरे । यस्तै, उनले ग्राहकको माग र सुरक्षालाई आत्मसात गरी नयाँ–नयाँ प्रविधि तथा नवीनतम उत्पादनहरू बजारमा ल्याउने प्रतिबद्धता जनाए ।

लिट्मस इन्डस्ट्रिज लिमिटेडका उपाध्यक्ष सरोज मिश्रले बजारमा लिट्मस इकोवायर–जेडएचको अतुलनीय सुरक्षा प्रविधिका कारण ग्राहकले यो उत्पादनलाई विश्वास गर्ने बताए ।

इकोवायर–जेडएच नेपालमा पहिलो पटक उत्पादित आगो प्रतिरोधी, खिया नलाग्ने र पर्यावरणमैत्री शून्य ह्यालोजन भएको तार रहेको कम्पनीको दाबी छ । आगलागी हुँदा इकोवायर–जेडएचले न्यूनतम धुवा उत्पादन गर्ने पनि कम्पनीले दाबी गरेको छ । जसले सुरक्षित निकासी र उद्धार टोलीद्वारा तीव्र उद्धार गर्नमा मद्दत गर्ने बताइएको छ । यसको आगो प्रतिरोधले आगोको फैलावटलाई रोक्ने, नियन्त्रण र सुरक्षा बढाउने कम्पनीको भनाइ छ । साथै, यो तार जनमैत्री, पर्यावरणमैत्री, र ओजोनमैत्री पनि रहेको कम्पनीको दाबी छ ।

ह्यालोजन–फ्री फायर रेडिएसनकोे अद्वितीय संरचनाले आगोको समयमा संरचनात्मक विशिष्टता सुनिश्चित गर्दै विषाक्त धुवाँ र खतरनाक ग्यासहरू कम गर्ने बताइएको छ । परम्परागत तारहरू भन्दा ईकोवायर–जेडएच ९० र १८० मी बक्स प्याकहरूमा उपलब्ध हुने बताइएको छ । आगो लाग्दा यसमा कम धुवाँ तथा उत्सर्जनका कारण यो सबैखाले प्रयोजनका लागि उचित रहेको बताइएको छ ।