निसान म्याग्नाइटको नयाँ संस्करण सार्वजनिक गरिने

काठमाडौं । पायोनियर मोटो कर्पले निसान म्याग्नाइटको नयाँ संस्करण(भेरियन्ट) सार्वजनिक गर्ने भएको छ । नेपालमा सन् २०२१ मा सार्वजनिक भई लोकप्रियता पाएको यो ‘बिग’, ‘बोल्ड’, ‘ब्युटिफुल’ र ‘कारिज्माटिक’ एसयुभी—निसान म्यागनाइट—अब अटोमेटेड मेनुअल ट्रान्समिसन (एएमटी) सहित उपलब्ध हुने कम्पनीले जनाएको छ ।

कम्पनीका अनुसार निसान म्याग्नाइट एएमटीले स्वचालित ट्रान्समिसनको सहजतालाई म्यानुअल ट्रान्समिसनमा चालकले अनुभव गर्ने बृहत्तम कन्ट्रोल(नियन्त्रण) र म्यानुअल ट्रान्समिसनको कार्यकुशलतासँग जोड्दै दुवैतर्फको उत्कृष्ट सुविधा प्रदान गर्ने बताइएको छ । निसान म्याग्नाइटको नयाँ एएमटी गाडी पाँच मुख्य भेरियन्टमा उपलब्ध हुने बताइएको छ । पायोनियर मोटो कर्पका प्रबन्ध निर्देशक सन्दीपकुमार सारडाले म्याग्नाइटमा रहेको नयाँ एएमटी सुविधा नेपाली उपभोक्ताको आवश्यकताअनुसार निकै उपयोगी हुने बताए । निसान म्यागनाइट एएमटी चाँडै नै देशव्यापीरूपमा उपलब्ध हुने कम्पनीले जनाएको छ । म्यागनाइट एएमटीको लन्च भने नाडा अटो सोमा गरिने कम्पनीले जनाएको छ ।