शाओमीको ‘फेस्टिभ अफर’

काठमाडौं । नेपालमा चाडपर्वको सिजन सुरुवात भएसँगै शाओमीले विशेष चाडपर्वको अफर सार्वजनिक गरेको छ । कम्पनीले ‘चाडपर्वको मुड, अफर टु गुड’ नामक अफर योजना सार्वजनिक गरेको हो । यस अफरअन्तर्गत स्मार्टफोन खरिदमा दुई हजार रुपैयाँसम्मको छुट पाइने कम्पनीले जनाएको छ ।

शाओमी नेपालका कन्ट्री जनरल म्यानेजर मनु मनस्वीका अनुसार अफरले शाओमीको अत्याधुनिक प्रविधिलाई थप पहुँचयोग्य मूल्यमा उपलब्ध गराएको कम्पनीले जनाएको छ । अफरअन्र्तगत रेड्मी ए २ र ए २ प्लस खरिदमा रेडमी इयरफोन निःशुल्क पाइनेछ बताइएको छ । रेड्मी १२ सी को खरिदमा एक हजार रुपैयाँ छुट पाइने कम्पनीको भनाइ छ । यस्तै, रेड्मी नोट १२ र रेड्मी नोट १२ फाइभजीको खरिदमा एक हजार पाँच सय रुपैयाँ छुट पाइने कम्पनीले जनाएको छ । यसैगरी रेड्मी नोट १२ प्रो फाइजी र पोको एक्स ५ प्रो फाइभजीको खरिदमा दुई हजार रुपैयाँ छुट पाइने बताइएको छ । शाओमी नेपालले नेपालका सबै स्मार्टफोन प्रेमीहरूलाई आफ्नो मोबाइल चलाउने अनुभव अपग्रेड गर्ने यो सुनौलो अवसर उपलब्ध गराएको कम्पनीले जनाएको छ ।