इ–सेवामार्फत पैसा पठाउनेलाई काठमाडौंमा घर

रेमिट्यान्स कम्पनी इ–सेवा मनी ट्रान्सफरले इ–सेवामार्फत नेपालमा पैसा पठाउने थप एक जनालाई काठमाडौंमा घर उपहार दिने भएको छ । डिजिटल रेमिट्यान्सको माध्यमबाट रेमिट्यान्स भित्राएर देशलाई समुन्नत बनाउन ‘मेरो डिजिटल देश’ अभियान सञ्चालन गरेको कम्पनीले फेरि सो अभियानलाई निरन्तरता दिने घोषणा गरेको कम्पनीले जनाएको छ ।
कम्पनीले पत्रकार सम्मेलनको आयोजना गरी यस अभियानअन्तर्गत काठमाडौंमा घर योजना सार्वजनिक गरेको हो । कार्यक्रममा मनी ट्रान्स्फर र इ–सेवाबीच सम्झौता परिस्थापनासँगै सुरु भएको थियो ।

यो अभियान असोज एकमा सुरु भएर आगामी असार ३१ सम्म जारी रहने कम्पनीले जनाएको छ । परम्परागत शैलीमा हुँदै आएको रेमिट्यान्स कारोबारलाई डिजिटलतर्फ लैजाने अभिप्रायका साथ यो अभियान सुरु गरिएको कम्पनीले जनाएका छन् । साथै, यस योजनामार्फत डिजिटल रेमिट्यान्सलाई थप बढावा दिन देशको आर्थिक स्थिति बलियो बनाउन र देशमा विदेशी मुद्राको सञ्चितलाई थप मजबुत बनाउनका लागि पनि १० महिने यस योजना सार्वजनिक गरिएको कम्पनीले जनाएको छ ।

‘मेरो डिजिटल देश’ अभियानअन्तर्गत संसारका जुनै पनि मुलुकमा रहेका नेपालीले नेपालमा इच्छाएको व्यक्तिको इ–सेवा वालेटमा पैसा पठाई सहभागिता जनाउन सक्ने बताइएको छ । यस अभियानमा चार परिवारलाई विशेष कोसेली, हरेक महिना एक जनाको पैसा डबल, तथा बम्पर उपहारमा एक जनाले काठमाडौंमा घर प्राप्त गर्नेछन् ।
यसका साथै इ–सेवा मनी ट्रान्सफरका ब्रान्ड एम्बेसडर राजेश हमाल, स्वस्तिमा खड्का, दयाहाङ राई र इ–सेवाका ब्रान्ड एम्बेसडर बिपिन कार्कीले डिजिटल रेमिट्यान्ससम्बन्धी राष्ट्रिय तथा अन्तर्राष्ट्रिय चेतनामूलक कार्यक्रममा अभियानलाई प्रवद्र्धधन गर्न सहभागिता जनाउने कम्पनीले बताएको छ ।