दरबारमार्गमा फर्कियो केएफसी

काठमाडौं । केएफसी नेपालको दरबारमार्ग स्टोर पुनः सञ्चालनमा आएको छ । आधुनिक तथा रमणीय वातावरणसहित खानाको उत्कृष्ट अनुभूति दिलाउने उद्देश्यले केएफसीको दरबारमार्गस्थित स्टोर निर्माणपश्चात् पुनः सञ्चालनमा आएको हो ।

दरबारमार्ग शाखा नेपालमा खुलेको केएफसीको पहिलो स्टोर समेत हो । सन् २००९ को नोभेम्बर २५ मा दरबारमार्गस्थित केएफसी स्टोरको सञ्चालनसँगै नेपालमा केएफसी ब्राण्डको प्रवेश भएको थियो । यसैबीच केएफसी नेपालले बहुप्रतिक्षित डबल डाउन बर्गर (अल चिकेन–नो बन) नेपालभर रहेका आफ्नो स्टोरमा उपलब्ध गराउन सुरु गर्ने भएको छ । नेपालमा पर्वहरूको यामलाई लक्षित गर्दै पुनः डबल डाउन बर्गर ग्राहकहरू समक्ष पूराउने निर्णय केएफसीले गरेको छ ।

साथै, ग्राहकहरूको अनुभवलाई अभिवृद्धि गर्नका लागि छिट्टै नै दरबारमार्ग स्टोरमा स्वचालितरूपमा अर्डर गर्न सकिने सेल्फ–अर्डरिङ कियोस्क मेसिन जडान गरिने कम्पनीले जनाएको छ । आउँदो चाडपर्वको अवसरमा केएफसी नेपालले पाँच सय २९ रुपैयाँमा डबल डाउन बर्गर ल्याएको छ । उक्त लोकप्रिय प्रोडक्ट सीमित समयका लागि मात्रै ल्याइने कम्पनीले जनाएको छ ।