विभिन्न सहरमा एनसेलको तीज कार्यक्रम

काठमाडौं । एनसेल आजियाटा लिमिटेडले विभिन्न सहरमा सांगीतिक कार्यक्रमको आयोजना गरी स्थानीय समुदायसँगै हरितालिका तीज मनाएको छ । तीज कार्यक्रम कम्पनीको १८औँ वार्षिकोत्सवको ‘हामी तपाईंकै लागि’ भन्ने थिमका साथ आयोजना गरिएको थियो ।

एनसेलको वार्षिकोत्सव र तीज अवसरमा एनसेलले विभिन्न चार सहरहरू सिन्धुली, महेन्द्रनगर, पोखरा र बिर्तामोडमा तीज कार्यक्रम आयोजना गरेको हो । कार्यक्रमहरूमा सर्वसाधारणबाहेक विशेष गरी महिलाहरूको उल्लेख्य सहभागिता रहेको थियो । सहभागीहरूले सांगीतिक कार्यक्रमको आनन्द लिनुका साथै स्थानीय कलाकारको गीतसंगीत प्रस्तुतिमा नाचगान गर्दै भरपुर मनोरञ्जन लिएका थिए ।

ग्राहकको सञ्चार सेवाको आवश्यकतालाई ध्यानमा राख्दै एनसेलले कार्यक्रम आयोजना स्थलमा आफ्नो स्टल पनि राखेको थियो । स्टलबाट ग्राहकले एनसेलको सिमकार्ड, रिचार्ज कार्ड तथा अन्य सेवा, सुविधाहरू लिन सक्ने व्यवस्था रहेको थियो । एनसेलले आइतबार आफ्नो सेवा सञ्चालनको १८औँ वार्षिकोत्सव मनाएको हो ।