हस्पिटालिटी सेल्स एन्ड मार्केटिङ एसोसिएसनको वार्षिकोत्सव

काठमाडौं । हस्पिटालिटी सेल्स एण्ड मार्केटिङ एसोसिएसनको पहिलो वार्षिकोत्सव सम्पन्न भएको छ । होटेल उद्योगको प्रमुख अङ्ग मानिने सेल्स एण्ड मार्केटिङ विभागका प्रतिनिधि आबद्ध एसोसिएसनले आफ्नो वार्षिकोत्सव मनाएको हो ।

कार्यक्रममा देशभरिका सबैथरि होटेलका सेल्स एण्ड मार्केटिङ विभागका प्रतिनिधिहरूको उपस्थिति रहेको थियो । अघिल्लो वर्ष विशेष कार्यक्रम आयोजना गरी सेल्स एण्ड मार्केटिङ विभागका प्रतिनिधिहरूले एसोसिएसन गठन गरेका थिए । काठमाडौंको बुढानीलकण्ठस्थित तपेस रिसोर्टमा आयोजना भएको उक्त कार्यक्रममा सेल्स एण्ड मार्केटिङ विभागमा जोडिएका नयाँ तथा पुराना सदस्यहरूको भेटघाटसँगै एकअर्काको व्यवसायलाई कसरी सहयोग गर्न सकिन्छ भन्नेबारे छलफल समेत भएको थियो ।

प्याराडाइज इन काठमाडौंका बिजनेस डेभलपमेन्ट म्यानेजर दीपक पोखरेलले सेल्स एण्ड मार्केटिङ विभागमा जोडिएका नयाँ सदस्यलाई यसको महत्व बुझाइ थप नयाँ जनशक्तिलाई आकर्षित गर्नु एसोसिएसनको उद्देश्य रहने बताए ।