नेपालमा साओमीको पाँच वर्ष

काठमाडौं । साओमीले नेपालमा आफ्नो गौरवपूर्ण पाँच वर्ष सफलतापूर्वक पूरा गरेको जनाएको छ । सन् २०१८ मा लन्च भएदेखि नै साओमीले नेपाली बजारमा महत्वपूर्ण फड्को मार्दै देशको अग्रणी स्मार्टफोन ब्रान्डमध्ये एक बन्न सफल भएको कम्पनीको दाबी छ ।

कम्पनीले सफलताको श्रेय उसको इनोभेसन र किफायती मूल्यमा उच्च गुणस्तरका स्मार्टफोन उपलब्ध गराउनुलाई दिएको छ । विगत पाँच वर्षमा साओमीले नेपाली स्मार्टफोन बजारमा आफ्नो उपस्थितिलाई निरन्तर बढाउँदै आएको छ । साओमी टेक्नोलोजी क्षेत्रमा घरघरको नाम बन्दै देशको एक अग्रणी स्मार्टफोन ब्रान्ड बन्न सफल भएको कम्पनीको भनाइ छ । कम्पनीका अनुसार उत्कृष्ट उत्पादन र अत्याधुनिक प्रविधिलाई उपभोक्तामाझ पु-याउने ब्राण्डको अटल समर्पणले नेपाली ग्राहकको हृदयमा विशेष स्थान कमाएको छ । साओमी नेपाल उच्च गुणस्तरको प्रविधिलाई सबैका लागि पहुँचयोग्य बनाउने आफ्नो लक्ष्यमा अडिग रहेको बताइएको छ । साथै, नेपालमा आफ्ना प्रोडक्ट अफरिङ तथा ग्राहक अनुभवलाई थप वृद्धि गर्न प्रतिबद्धता जनाएको छ ।

साओमी नेपालले चाडपर्वलाई थप विशेष बनाउँदै पपुलर स्मार्टफोन मोडेलमा दुई हजार रुपैयाँसम्मको आकर्षक छुट प्रदान गरिरहेको पनि जानकारी दिएको छ । साओमी नेपालले ‘चाडपर्वको मुड, अफर टु गुड’ घोषणा गरी साओमी फ्यानबेसका लागि खुसी फैलाउने र उल्लेखनीय अफरहरू प्रदान गर्ने प्रतिबद्धता कायम राखेको छ । रिटेल पार्टनर र सर्भिस सेन्टरको विस्तृत नेटवर्कका साथ कम्पनीले देशमा बलियो उपस्थिति बनाएको कम्पनीद्वारा जारी विज्ञप्तिमा उल्लेख छ । साओमी नेपालले विगत पाँच वर्षमा नेपालमा प्रविधिलाई हेर्ने तरिका मात्र परिवर्तन गरेको छैन तर आफ्नो करपोरेट सोसल रेस्पोन्सिबिलिटी (सीएसआर) प्रयासमार्फत समुदायलाई भलो हुने काम पनि गरेको छ । साथै, साओमी नेपालले आफ्नो फेसबुकमा सक्रिय साओमी फ्यान क्लबमार्फत टेक फ्यानका लागि एक सक्रिय कम्युनिटी निर्माण गरेको छ ।