बेकोको ‘दशैं–तिहार योजना’

काठमाडौं । युरोपको इलेक्ट्रोनिक्स ब्राण्ड बेकोले नजिकिरहेको नेपालीहरूको दशैं तिहारलाई लक्षित गर्दै ‘बेकोको सौगात, सम्बन्ध प्रगाढ’ नामक योजना बजारमा सार्वजनिक गरेको छ । कम्पनीले यो योजना सीमित अवधिका लागि मात्रै ल्याएको जनाएको छ ।

उक्त योजनाअन्तर्गत बेको ब्राण्डका कुनै पनि सामानको खरिदमा आकर्षक उपहारहरू प्राप्त गर्न सकिने कम्पनीले जनाएको छ । जसअनुसार वासिङमेसिन र वासर ड्राएरको खरिदमा छ केजीको एरिअल म्याटिक वाशिङ पाउडर उपहार पाइन्छ भने डिसवासरको खरिदमा दुई प्याकेट फोर्चुन डिसवासर ट्याब्लेट उपहार पाइन्छ ।

साथै, सिङ्गल डोर रेफ्रिजेरेटरमा चोप्पर, डबल डोर रेफ्रिजेरेटरमा इलेक्ट्रिक किटली र मल्टी डोर रेफ्रिजिरेटरमा इलेक्ट्रिक प्रेसर कुकर उपहार पाइन्छ भने कुकिङ रेन्ज (फ्रि स्ट्यान्डिङ ओवन) को खरिदमा प्रेसर कुकर र एअर कन्डिसनरको खरिदमा फ्रि इन्स्टलेसन पाइन्छ । साथै, कम्पनीले समान खरिद गर्ने ग्राहकका लागि फ्रि डेलिभरी, फ्रि इन्स्टलेसन सुविधा पनि प्रदान गरेको छ । त्यसैगरी शून्य प्रतिशतमा फाइनान्स सुविधा, पुराना भएका सामान फेरबदल गरी नयाँ सामान लान चाहने ग्राहकका लागि एक्सचेन्ज अफर सुविधा समेत पाइने कम्पनीले जनाएको छ ।