सेगवेको नयाँ सोरुम चितवन र बुटवलमा

काठमाडौं । सेगवे–नाइनबोटको नेपालका लागि आधिकारिक वितरक आइहब प्रालिले चितवन र बुटवलमा नयाँ सोरुम सञ्चालनमा ल्याएको छ । यी सोरुमहरू लोक सुशीला मोटर प्रालि, कालिका चोक, बुटवल र युनाइटेड अटो कन्सर्न प्रालि, हाकिम चोक, भरतपुर (अष्टभुजा पेट्रोल पम्प नजिक)सँगको सहकार्यमा सञ्चालनमा ल्याएको कम्पनीले जनाएको छ ।

बुटवल र चितवनका सोरुमहरूमा एन–१००, ई–१००, ई–११०एल र ई–१२५ मोडलसहित सेगवेका उत्पादनहरूको सम्पूर्ण रेन्ज उपलब्ध हुने कम्पनीले जनाएको छ । सेगवेले, सोरुम उद्घाटनको अवसरमा दुवै क्षेत्रका ग्राहकलाई विशेष अफरहरूको साथ सोरुम भ्रमण गर्न आमन्त्रित गरेको छ । अफरअन्तर्गत यी सोरुमहरूमा सेगवे ई–स्कुटरको विशेष मूल्य तोकेका छन् । यी सोरुमबाट सेगवेका नवीन उत्पादनहरूको खरिद मात्र नभएर यसको ब्याट्री रेन्टल, ब्याट्री स्वाप र तीव्र चार्जिङ सपोर्टलगायत सेवा समेत लिन पाइने कम्पनीले जनाएको छ । यी सोरुमहरूको सञ्चालनसँगै आईहब प्रालिले नेपालमा दिगो र प्रभावकारी व्यक्तिगत यातायात साधनहरूलाई थप प्रवर्द्धन गर्दै सेगवेका सेवाग्राहीलाई उच्चस्तरका उत्पादन र सेवाहरू उपलब्ध गराउने प्रतिबद्धता जनाएको छ ।