अनरको फेस्टिभ अफर: भेस्पा र थाइल्याण्ड टुरको बम्पर उपहार

काठमाडौं । नेपालका लागि अनर स्मार्ट फोनको आधिकारिक वितरक सेलट्रोन नेपालले ग्राहकका लागि सबैभन्दा ठूलो चाडपर्व अफर ल्याएको छ । ‘बनाउ दशैं अनरमय’ भन्ने ट्याग लाइनका साथ कम्पनीले बम्पर उपहारको पर्व ल्याएको हो ।

सेलट्रोन नेपालले यस चाडपर्वको अवसरमा यो अफरले अनर ग्राहकहरूमाझ उत्साह सिर्जना गर्ने विश्वास लिएको छ । अनरबाट ‘अनरको बहार, चाडपर्वमा उपहारै उपहार’ नामक सुरु गरिएको अभियानमा खरिदकर्ताहरुले स्मार्टफोनको हरेक खरिदमा दैनिक उपहार, मेगा उपहार, बम्पर उपहार र भेस्पा जित्ने अवसर प्राप्त गर्न सक्ने छन् ।

उपहारहरू चार खण्डमा विभाजित छन् । जसमा ५९ सय ९० मूल्यको अनर एयरबड एस५ वा ६४ सय ९० रुपैयाँ पर्ने अनर ब्यान्ड सीक्स हरेक दिन जित्ने मौका पाउने छन् । दोस्रोमा मेगा गिफ्ट हो, जहाँ खरिदकर्ताहरुले ४३ इन्चको स्मार्ट टिभी वा अनर वाच ४ वा अनर ९० ५जी जित्ने मौका पाउने छन् । तेस्रो खण्डमा ग्राहकहरूले ल्यापटप वा थाइल्याण्ड टुर जित्ने मौका पाउन सक्छन् र अन्त्यमा, सबैभन्दा गजबको उपहार अर्थात् एक भाग्यशाली विजेताले भेस्पा स्कुटर जित्न सक्ने कम्पनीको भनाइ छ । साथै, दैनिक विजेता र अन्य विजेताहरूको घोषणा अनर फेसबुक पेज, इन्स्टाग्राम पेजबाट सार्वजनिक हुनेछ ।