ललितपुर उद्योग वाणिज्य सङ्घको अध्यक्षमा बज्राचार्य निर्वाचित

पाटन (ललितपुर) । शनिबार भएको मतदानमा उद्योग व्यवसायीहरूको संस्था ललितपुर उद्योग वाणिज्य सङ्घको अध्यक्ष पदमा छ सय ४६ मत प्राप्त गरी विश्वराज बज्राचार्य निर्वाचित भएका छन् ।

वरिष्ठ उपाध्यक्षमा सुशन महर्जन, उपाध्यक्षमा आपुलाल अवाले (उद्योग समूह) र उपाध्यक्षमा सुनिल शाक्य (वाणिज्य समूह) र मेशसिंह महर्जन (संस्थागततर्फ) विजयी भएका हुन् ।

भूमिनन्द कर्माचार्य र राजु महर्जन महासचिव र कोषाध्यक्ष पदमा निर्वाचित भएका छन् । निवर्तमान अध्यक्ष मनोजबहादुर न्याछ्योले हरेक तीन वर्षमा सङ्घको नेतृत्व परिवर्तन हुने व्यवस्था रहेको जानकारी गराए ।