बुटवलमा फोटोनको नयाँ सोरुम

काठमाडौं । फोटोन गाडीको आधिकारिक वितरक एमएडब्लु वृद्धि कमर्सियल भेइकल प्रालिले बुटवलमा नयाँ थ्रीएस सोरूम, नेटवर्क विस्तार गरेको छ । सो सोरुमबाट सेल्स, सर्भिस, पार्ट्सको सम्पूर्ण सुविधा लिन सकिने कम्पनीले जनाएको छ ।

बुटवल र सो आसपासका क्षेत्रमा फोटोन गाडी बिक्री गर्न कम्पनीले सिद्धार्थ इन्टरकन्टिनेन्टल प्रालिमार्फत नयाँ तीन सोरुम नेटवर्क सञ्चालनमा ल्याएको हो । नयाँ सोरुममा फोटनको नेपाली बजारमा उपलब्ध सबै मोडल उपलब्ध हुने छन् । फोटोनसँग हाल बजारमा कम्बसन इन्जिन जडित र इलेक्ट्रिक दुवै सेग्मेन्टका गाडीहरू उपलब्ध छन् । इलेक्ट्रिकमा प्यासेन्जर भ्यान, कार्गो भ्यान र मिनी ईभी ट्रक ’टीएम १’ लोकप्रिय मोडल हुन् । टीएम १ लाई कम्पनीले देशका विभिन्न सडकमा परीक्षण गरेर सफल भएपछि हालै सम्पन्न नाडा अटो सोमा सार्वजनिक गरेको थियो । नयाँ सोरुमबाट बिक्री र बिक्रीपछिको सम्पूर्ण सेवा उपलब्ध हुने बताएको छ ।