भायानेटको २४औँ वार्षिक उत्सव विशेष अफर

काठमाडौं । इन्टरनेट र आईपीटीभी सेवा प्रदायक कम्पनी भायानेट कम्युनिकेसनले २४ वर्ष पूरा गरेको छ । भायानेटले २४औँ वार्षिक उत्सवको अवसरमा विशेष वार्षिकोत्सव अफर घोषणा समेत गरेको छ ।

अफरअनुसार १२५ एमबीपीएस इन्टरनेटको ३–महिना सदस्यता मात्र दुई हजार चार सय २४ रुपैयाँ (भ्याटबाहेक) पर्नेछ । यस प्याकेजका नयाँ ग्राहकहरूले जडान शुल्कमा पनि उल्लेखनीय छुट पाउनेछन् । यसका साथै भायानेटको चाडपर्व अफरअन्तर्गत सबै तीन महिना वा सोभन्दा माथिका भायानेट ग्राहकहरूले अल्टिमा वायरलेस इयरबड्स र हिमस्टारका उपकरणहरूमा ५० प्रतिशतसम्म छुट पाउनेछन् ।

यस्तै भायानेटले आफ्नो पुराना ग्राहकको इन्टरनेट निःशुल्क अपग्रेड गरेको छ । भायानेटका २०० एमबीपीएस इन्टरनेट भएका वार्षिक ग्राहकहरूको २५० एमबीपीएस अपग्रेड भएको छ, ३०० एमबीपीएस इन्टरनेट भएका ग्राहकले निःशुल्क ४०० एमबीपीएस पाएका छन्, त्यस्तै अन्यको पनि इन्टरनेट निःशुल्क अपग्रेड गरिएको कम्पनीले जनाएको छ ।