टीभीएस एनटर्क १२५ सीसी रातो रङमा

काठमाडौं । नेपालको लागि टीभीएस स्कुटर र मोटरसाइकलको आधिकारिक वितरक जगदम्बा मोटर्सले टीभीएस महाएक्सचेन्ज महोत्सवमा एनटर्क १२५ सीसी ड्रम रातो रङमा सार्वजनिक गरेको छ ।

राम्रो माइलेज दिने एनटर्क १२५ सीसी ड्रममा स्मार्टकनेक्ट र ब्लुटुथ कनेक्टिभिटी पनि उपलब्ध छ । शंकर ग्रुपका एक्जिक्युटिभ डाइरेक्टर अखिल गुप्ताले एक कार्यक्रमका बीच स्कुटर सार्वजनिक गरेका हुन् । टीभीएस एनटर्क ड्रममा ९.४ पीएस पावरसहितको बलियो १२५ सीसी इन्जिन रहेको छ । यसको स्मार्ट कनेक्टले नेभिगेसन, पार्क गर्दाको स्कुटरको लोकेसन थाहा पाउन सजिलो बनाएको छ । स्लिक डिजाइन स्टेल्थ एयरक्राफ्टबाट प्रेरित यस स्कुटरमा राइड पनि स्मुद र सहज हुने कम्पनीले जनाएको छ । ’टि’ आकारको रियर ल्याम्पले यस स्कुटरलाई सजिलै चिन्न सकिने बनाएको छ ।

स्पोर्टी स्टबी मफलरले यसको स्पोर्टी लुक प्रदान गरेको छ भने यसमा भएका ठूला १२ इन्चका टायरहरूले आरामदायी र सुरक्षित सवारीको ग्यारेनटी दिने कम्पनीको भनाइ छ । साथै, बोल्ड र चङ्की टायरहरूले विभिन्न भू–भागमा उत्कृष्ट पकड प्रदान गर्ने कम्पनीको भनाइ छ । यसैगरि यसको स्पोर्टी स्प्लिट ग्रेब रेलको एडिसनले यात्रुहरूलाई राइडमा सुरक्षितरूपमा समात्न मिल्नेछ । पछाडिको भेन्टहरूले स्कुटरलाई सहजरूपमा चल्न मद्दत गर्नुका साथै हिट लस पनि कम गर्ने बताइएको छ । टीभीएस एनटर्क ड्रम रेडको मूल्य दुई लाख ३५ हजार नौ सय रुपैयाँ तोकिएको छ ।

यस्तै, मंगलबारदेखि काठमाडौंको भृकुटीमण्डपमा सुरु भएको टीभीएस महाएक्सचेन्ज महोत्सव शनिबारसम्म जारी रहने कम्पनीले जनाएको छ । यस महोत्सवमा ग्राहकले कुनैपनि बाइक र स्कुटर टीभीएस ब्रान्डका प्रोटक्टसँग एक्सचेन्ज गर्दा ५० हजार रुपैयाँको थप एक्सचेन्ज भ्यालु पाउन सक्नेछन् ।