फोटोन हाई रुफ इलेक्ट्रिक भ्यान नेपालमा भित्र्याइने

काठमाडौं । फोटोनको नेपालका लागि आधिकारिक विक्रेता एमएडब्लू वृद्धि कमर्सियल भेहिकल प्रालिले थाइल्याण्ड, जर्मनी, सिंगापुर, तथा अस्ट्रेलियामा सफल सुरुवातपछि नेपालमा फोटोन हाई रुफ इलेक्ट्रिक भ्यान सार्वजनिक गर्ने भएको छ ।

कम्पनीले १४ र १५ सिटर रहेको ईभी भ्यान सार्वजनिक गर्न लागेको हो । उच्च कार्यक्षमता र आरामदायी यात्राको ग्यारेण्टी गर्ने यो भ्यान सुरक्षाको दृष्टिकोण पनि सर्वोत्कृष्ट रहेको कम्पनीले जनाएको छ । कम्पनीद्वारा उक्त गाडीको मूल्य र स्पेसिफिकेसन चाँडै सार्वजनिक गरिने भनिएको छ । फोटोन पछिल्लो समय नेपालमा पिकअप, इलेक्ट्रिक लो रूफ भ्यान, इलेक्ट्रिक मिनी ट्रक, एम्बुलेन्स सेग्मेन्टमा अत्यन्त लोकप्रिय हुँदै गइरहेको छ । आकर्षक लुक्स र पेर्फोमेन्सले गर्दा फोटोन नेपालको मार्केटमा लोकप्रिय हुन सफल भएको छ ।