सिप्रदी सम्मानित

काठमाडौं । नेपालकै प्रतिष्ठित ब्राण्ड एवम् अटोमोटिभ र एलाइड व्यवसायमा संलग्न कम्पनी सिप्रदी ट्रेडिङ प्रालि छैटौं सामाजिक सुरक्षा दिवसको अवसरमा सम्मानित भएको छ ।

योगदानमा आधारित सामाजिक सुरक्षा कोषको सुरुवात भएको पाँच वर्ष पुगेको अवसरमा थोक तथा खुद्रा बिक्री क्षेत्रबाट सूचीकृत रोजगारदाताहरूमध्ये आव २०७९÷८० मा योगदानकर्ताहरूको संख्याको आधारमा सिप्रदी उत्कृष्ट हुन सफल भएको हो ।

दिवसको अवसरमा आयोजित कार्यक्रममा प्रधानमन्त्री पुष्पकमल दाहालले सिप्रदीका प्रमुख कार्यकारी अधिकृत राजनबाबु श्रेष्ठलाई सम्मानपत्र हस्तान्तरण गरेका थिए । सिप्रदी ट्रेडिङ अटोमेटिभ, इनर्जी, लुब्रिकेन्ट, वित्तीय सेवाहरू तथा इक्युपमेन्ट व्यवसायको क्षेत्रमा द्रूत गतिमा अगाडि बढिरहेको कम्पनी हो । साथै, एक्साइड ब्याट्रिज, म्याक लुब्रिकेन्ट्स र मिसेलिन टायरलगायतको पनि वितरक हो ।