दुई विद्यालयलाई शिवम् सिमेन्टको सहयोग

काठमाडौं । शिवम् सिमेन्ट्स लिमिटेडले दुईवटा विद्यालयलाई सहयोग गरेको छ । कम्पनीले मकवानपुरको हेटौंडा उपमहानगरपालिका–१७, हटियास्थित लक्ष्मी आधारभूत विद्यालयलाई स्कुल बस तथा चितवनको भरतपुर महानगरपालिका–१५, मंगलपुरस्थित विश्वप्रकाश माध्यमिक विद्यालयमा अध्ययनरत विद्यार्थीहरूको लागि स्कुल ब्याग वितरण गरेको छ ।

कम्पनीे आफ्नो सामाजिक उत्तरदायित्वअन्तर्गत उक्त स्कुल बस तथा स्कुल ब्यागहरू वितरण गरेको हो । कम्पनीले उद्योग तथा खानी क्षेत्रका विद्यालयहरूमा अध्ययनरत विद्यार्थीहरूलाई विभिन्न शैक्षिक सामग्रीहरूको वितरण, छात्रवृत्ति कोषको स्थापना तथा न्यानो कपडाहरू वितरण, स्कुल बस वितरण गर्दै आइरहेको छ । यस्तै, कम्पनीले सो क्षेत्रमा स्वास्थ्य शिविर, विपन्न परिवारको लागि खाद्यान्न वितरण, आईसोलेसन बेड निर्माणका लागि आर्थिक सहयोग, डाइलासिस मेसिन, अक्सिजन प्लान्टको निर्माण, एम्बुलेन्स हस्तान्तरण, सडक निर्माण, डिप ट्युब बोरिङ, वृक्षारोपणलगायतका कार्यहरू पनि गर्दै आएको जनाएको छ ।