रोटाराक्ट क्लब कुसोमद्वारा धुम्रबराह माविलाई सहयोग

काठमाडौं । काठमाडौं विश्वविद्यालयअन्तर्गतको कुसोम रोट्र्याक्ट क्लबले धुम्रबराह माध्यमिक विद्यालयलाई सहयोग प्रदान गरेको छ । विद्यालयमा शुक्रबार आयोजित एक कार्यक्रममा कुसोम रोटाराक्ट क्लबको संस्थापक सभापतिमा स्नेहा चिमौरियाले छात्रालाई पुनः प्रयोग गर्न मिल्ने प्याड एक सय ३० थान र २५ थान अन्डरबेयरका साथै शैक्षिक सामग्री प्रदान गरेकी हुन् ।

साथै, खेलकुद सामग्री, ट्याकसुटलगायतका सामग्री समेत विद्यालयका प्रधानाध्यापक सुजाता राजलवटलाई हस्तान्तरण गरिएको थियो । क्लबकी संस्थापक सभापति चिमौरियाले आगामी दिनमा पनि विद्यालयलाई सक्दो सहयोग गर्दै जाने बताइन् । रोटाराक्ट क्लब कुसोमद्वारा आयोजित उक्त कार्यक्रमलाई रोटरी क्लब पाटन साउथ, प्रभु बैंक, इ–नयाँ क्याफे र बुद्ध पब्लिकेसनलगायतका संस्थाहरूको सहयोग रहेको बताइएको छ ।