सेरेसको सोरुम पोखराको नागढुंगामा

काठमाडौं । पोखराको नागढुंगामा सेरेसले आफ्नो तेस्रो अत्याधुनिक सोरुम सञ्चालनमा ल्याएको छ । विद्युतीय सवारी साधनको क्षेत्रमा नेपालकै शीर्षस्थ ब्रान्ड बन्ने उद्देश्यका साथ कम्पनीले आफ्नो सञ्जाललाई बलियो बनाउँदै लगेको छ । सोहीअनुरूप कम्पनीले पोखरामा थ्री एस (सेल्स, सर्भिस र स्पेयर पार्ट्स) सोरुम स्थापना गरेको हो ।

नेपालमा सेरेस ईभीहरूको आधिकारिक वितरक एमएडब्लू वृद्धि अटो कर्पले पोखरामा डिलरसिपका लागि थापा मोटर्स प्रालिसँग साझेदारी गरेको छ । सोरुमले ब्रान्डको पहुँचलाई थप वृद्धि गर्ने तथा उत्साही र सम्भावित ग्राहकहरूलाई सेरेस ईभीको अन्वेषण गर्ने हबको रूपमा काम गर्नेछ । पोखरा उद्योग वाणिज्य संघका अध्यक्ष पवन प्रजापति, पश्चिमाञ्चल अटोमोबाइल डिलर्स एसोसिएसनका अध्यक्ष कृष्णप्रसाद श्रेष्ठ, एमएडब्लु ग्रुपका चिफ अपरेटिङ अफिसर केशवचन्द्र सेनले सोरुमको उद्घाटन गरेका थिए । सोरुम उद्घाटनको अवसरमा दुई जनालाई थापा मोटर्सले सेरेस ईभी हस्तान्तरण समेत गरेको छ । उनीहरूलाई सेरेस थ्री र मिनी ईभी हस्तान्तरण गरिएको हो ।

सेरेसले विद्युतीय सवारी साधनहरूमा गुणस्तर र नवीनताप्रति आफ्नो प्रतिबद्धता देखाएको छ । हुवाएसँगको साझेदारीले उन्नत विद्युतीय सवारी प्रविधिप्रतिको सेरेसको समर्पणलाई अझै प्रगाढ बनाएको कम्पनीको दाबी छ ।