होण्डा डियो १२५ को बिक्री वितरण सुरु

काठमाडौं । नेपालका लागि होण्डाको अधिकृत विक्रेता स्याकार ट्रेडिङ प्रालिले होण्डा डियो १२५ स्कुटरको विक्री वितरण सुरु गरेको छ । नेपालमा सर्वाधिक बिक्री हुने होण्डाका दुईपाङ्ग्रे सवारीसाधनमध्येमा अत्यधिक रूचाइएको होण्डा डियो स्कुटरको पछिल्लो संस्करण होण्डा डियो १२५ मा वर्तमान प्रविधिमैत्री पुस्ताको आवश्यकता र सन्तुष्टिका लागि नवीन विशेषताहरू समाहित छन् ।

साथै, १२५ सीसी क्षमताको इञ्जिनका साथ होण्डा डियो १२५ रोमाञ्चक यात्राको भरपर्दो र शक्तिशाली सहयात्री बन्नेमा कम्पनी ढुक्क छ । ‘स्मार्ट’ चाबीले ‘अनलक’ र ‘स्टार्ट’ हुने होण्डा डियो १२५ मा ‘साइड स्ट्यान्ड’ लगाउँदा ‘स्टार्ट’ बन्द हुने प्रविधि, कम इन्धनमा अधिकतम माइलेज दिने पीजीएम–एफआई सिस्टमलगायतका अत्याधुनिक प्रविधिहरू उपलब्ध छन् । होण्डा डियो १२५ मा स्टार्ट गर्दा एकदमै कम आवाज आउने वातावरणमैत्री एसीजी प्रविधि पनि जडित छ । यस्तै, कम्पनीले होण्डा डियो १२५ को बुकिङ र बिक्री धमाधम भइरहेको जनाएको छ ।

नाडा अटो सोमा पहिलोपटक प्रदर्शनीमा राखिएको होण्डा डियो १२५ ले थुप्रै ग्राहकको ध्यान तान्न सफल भएको थियो । कम्पनीले होण्डा डियो १२५ केही समयका लागि दुई लाख ९९ हजार नौ सय रुपैयाँमा खरिद गर्न सकिने कम्पनीले जनाएको छ । होण्डा नेपालको आधिकारिक वेबपेजमा गएर होण्डा डियो १२५ अग्रिम बुकिङ्ग या खरिद गर्न सकिने छ ।