भिभोको छैठौँ वार्षिकोत्सवमा सेल्स कार्निभल

काठमाडौं । प्रख्यात टेक्नोलोजी ब्रान्ड भिभोको नेपालमा स्थापनाको छ वर्ष पूरा भएको छ । यस छैटौँ वार्षिकोत्सवको अवसरमा भिभोले सेल्स कार्निभल आयोजना गर्ने भएको छ ।

भिभोले आफ्ना ग्राहकसँग उत्सवको उत्साह बाँड्दै सबैलाई आकर्षक अफरहरू तथा पुरस्कारहरू प्रदान गर्न आफ्नो वार्षिक डिसेम्बर सेल्स कार्निभल घोषणा गरेको हो । यो एक्सक्लुसिभ सेल्स कार्निभल डिसेम्बर ७ तारिखदेखि सुरु भएर ५ जनवरी, २०२४ सम्म सञ्चालनमा रहनेछ । यसअन्तर्गत हरेक भिभो स्मार्टफोन खरिदमा लकी ड्रमा सामेल भएर आकर्षक पुरस्कारहरू जित्ने अवसर प्राप्त गर्नेछन् ।

कम्पनीका अनुसार भिभो वाई२७एस खरिद गर्ने पहिलो एक हजार ग्राहकहरूले नयाँ स्मार्टफोनका साथै, छ महिनासम्मको थप वारेन्टी पाउनेछन् । साथै, एक जना बम्पर पुरस्कार विजेताको भाग्यशाली जोडीले निकै रोमाञ्चक एवम् आकर्षक सहर दुबई घुम्ने अवसर प्राप्त गर्नेछन् ।

यसको साथै लक्की ड्रमा ग्राहकको मन लोभ्याउने धेरै आकर्षक उपहारहरू रहेका छन् । लक्की ड्रमा भिभोको नयाँ भी सिरिजका स्मार्टफोनहरूदेखि, रिभरसङ् इयरबडहरू, एक महिनासम्म निःशुल्क स्क्रिन रिप्लेसमेन्ट, स्पिकर, साइड ब्याग, तथा बोतलहरू जित्ने अवसर प्राप्त गर्न सक्नेछन् । यसै उत्साहका बीचमा, भिभोले वाई सिरिजमा नयाँ स्मार्टफोन – वाई १७ एस (४जीवी+१२जीवी) सार्वजनिक गरेको छ । यो नयाँ स्मार्टफोनमा शक्तिशाली पाँच हजार एमएएचको ब्याट्री, मिडियाटेक जी८५ प्रोसेसरको रहेको छ । वाई१७एस प्रयोगकर्ताहरूले निकै रुचाएका दुई आकर्षक फरेस्ट ग्रिन र ग्लिटर पर्पल रंगहरूमा उपलब्ध छ ।