अल्टिमा लाइफस्टाइल बन्यो सबैभन्दा छिटो कारोबार वृद्धि गर्नेे नेपाली एसेसरिज ब्राण्ड

काठमाडौं । अल्टिमा लाइफस्टाइल, तीव्र गतिमा वृद्धि भईरहेको नेपाली एसेसरिज ब्रान्डले सन् २०२२ को तुलनामा सन् २०२३ मा सात सय प्रतिशतले वृद्धि गरी सबै रेकर्ड तोडेको छ । यस वर्ष दुई सफल अभियान र नौ नयाँ उत्पादनहरू सार्वजनिक गरेलगतै अल्टिमा लाइफस्टाइलले पछिल्लो समय नेपाली बजारमा विशिष्ट स्थान बनाएको हो ।

अल्टिमाले यस वर्षको ‘दराज सेलर समिट २०२३’ मा दराजको प्रतिष्ठित ‘सेलर अफ द इयर २०२३’ अवार्ड पाएको हो । आफ्नो उल्लेखनीय बिक्री आँकडा, ग्राहक सन्तुष्टि र उत्पादन गुणस्तरको कारण धेरै प्रतिस्पर्धीहरू बीच अल्टिमा लाइफस्टाइल माथि उठेको छ ।

ग्राहकको सन्तुष्टिलाई निरन्तर प्राथमिकता दिँदै एक उत्कृष्ट किनमेल अनुभव प्रदान गर्ने, कम्पनीले नयाँ उत्पादन, अभियान र पहलहरू सुरु गरेर नवीनता र प्रतिक्रियात्मकता प्रदर्शन गर्ने, दाराजमा अत्यधिक अर्डरहरू प्राप्त गर्ने आदिले गर्दा अल्टिमा लाइफस्टाइल दराजको सेलर अफ द इयर अवार्डको हकदार बनेको हो ।

वार्षिक कारेबारमा वृद्धि गरेको अल्टिमा लाइफस्टाइलले सन् २०२२ फेब्रुअरीदेखि दराज यात्रा र यही वर्ष नै आफ्नो अफिसियल वेवसाइट सुरु गरेको थियो । यो छोटो अवधिमा अल्टिमाले सबै विधामा १९ हजार बिक्रेताहरूमध्ये उत्कृष्ट रही उक्त उपाधि जितेको छ ।

अबका दिनहरुमा अझै केही नयाँ क्याटेगरीहरू आरम्भ गर्ने अल्टिमाले जनाएका छ । कम्पनी ब्रान्ड म्यानेजर अमन गुप्ताका अनुसार हालको योजनामा २५ भन्दा बढी उत्पादनहरू समावेश छन् । उनले अल्टिमा लाइफस्टाइलले २० भन्दा माथि आधिकारिक स्टोरहरू खोल्ने बताउँदै अल्टिमा एक्सचेन्ज मेला गर्ने पनि बताए । अल्टिमा लाइफस्टाइल नेपालको वेरेवल एसीसोरीज (पहिरन योग्य) ब्रान्ड हो ।