हाइलाइफ फुडद्वारा भारतबाट आएकालाई खाद्य सामग्री सहयोग
काठमाडौं, जेठ ११
हाइलाइफ फुड प्रोडक्ट प्रालि रुपन्देहीले कोरोना भाइरसका कारण छिमेकी मुलुक भारतबाट फर्केर आई क्वारेन्टाइनमा बसेकाहरुको दैनिक खानपिनका लागि आफ्ना उत्पादनहरु वितरण गरेको छ । कम्पनीले आफ्नै उद्योगबाट उत्पादित चिउरा, सोयाबिन मस्यौरा, कर्नफ्लेक्स, ओट्सलगायतका खाद्य सामग्री सहयोग गर्दै आएको हो । यस क्रममा २०७७ जेठ ८ का दिन बुटवल, वडा नंं. ४ कान्ति माविको क्वारेन्टाइनमा रहेका १ सय १० जनाको लागि मिश्रित खाद्यान्न प्याकेज उक्त वडाका वडा अध्यक्ष टंक प्रसाद पराजुलीलाई हस्तान्तरण गरेको छ । यसबाट उक्त स्कुलमा रहेका व्यक्तिहरुले धेरै राहत अनुभव गर्ने विश्वास गरेकोे अध्यक्ष पराजुलीले बताए ।
त्यस्तै सोही दिन कम्पनीले तिलोत्तमा–२, स्थित दुर्गादत्त माध्यमिक विद्यालयको क्वारेन्टाइनमा रहेका ४५ जना व्याक्तिहरुको लागि त्यस वडाका वडा अध्यक्ष दधिराम गौतमलाई खाद्य सामग्री हस्तान्तरण गरिएको छ । यसअघि पनि सियारी गाउँपालिका वडा नंं. १ का ३ सय विपन्न परिवारलाई एक सातालाई पुग्ने गरी उक्त वडाका वडा अध्यक्ष अरुण साहीमार्फत खाद्य सामग्री हस्तान्तरण गरिसकेको छ । कम्पनीले बेलाबखतमा यस्ता सामाजिक उत्तरदायित्वका कामहरु गर्दै आएको कम्पनीका प्रबन्धनिर्देशक प्रशान्त घिमिरेले जानकारी दिए ।
उक्त कम्पनीले उत्पादन गर्ने सबै खाद्यान्नमा नेपालकै ९० प्रतिशत कच्चा पदार्थ प्रयोग गरी उच्च गुणस्तरको उत्पादन भएको र उत्पादित वस्तु नेपाल अधिराज्यको साथै विदेशमा पनि हङकङ, मकाउलगायतका देशहरुमा बिक्रीवितरण गर्दै आएको र हाल अष्ट्रेलिया र अमेरिकामा पनि निर्यात गर्ने प्रक्रियामा रहेको छ । यस विषम परिस्थितिमा पनि कम्पनीले खाद्यान्न अभाव नहोस् भन्ने हेतुले निकै समस्याका बाबजुद पनि विभिन्न सुरक्षाका मापदण्ड अपनाएर आफ्नो उत्पादनलाई निरन्तरता दिएको छ भने कम्पनीमा कार्यरत आफ्ना कर्मचारीहरुको सुरक्षाका लागि कम्पनी स्वयंले कोभिड–१९ बीमा व्यवस्था गरिदिएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया