दराजको फ्रि डेलिभरी फेस्टिभल

काठमाडौं । दराजले ‘फ्रि डेलिभरी फेस्टिभल’ नामक कार्यक्रम सार्वजनिक गरेको छ । यो कार्यक्रममा निःशुल्क डेलिभरी, ७० प्रतिशतसम्मको मेगा डिल्स, एक हजार रुपैयाँसम्मको मेगा भौचर र प्रि–पेमेन्ट छुटलगायतका अफरहरू प्राप्त गर्न सकिने कम्पनीले जनाएको छ ।

मंगलबारदेखि सुरु हुने यस कार्यक्रममा फेसन, लाइफस्टाइल, ब्युटीजस्ता विभिन्न विधाका सामानहरू खरिद गर्न सकिन्छ । कम्पनीका अनुसार २०२३ मा महँगी सात दशमलव ८४ प्रतिशत पुगेकाले नेपालमा व्यवसायको ढुवानी शुल्क बढेको थियो । सोहीअनुरूप उपभोक्ताहरूलाई पनि अनलाइन किनमेल महँगो हुन गएकाले यो कार्यक्रम ल्याएको कम्पनीले जनाएको छ । फ्रि डेलिभरी फेस्टिभलले खरिदकर्तालाई घरदेखि बजारसम्मको दोहोरो यात्रा गर्न नपर्ने र घरमै सामान आउने व्यवस्था गरेर अधिकतम बचत गर्न मद्दत गर्ने कम्पनीले जनाएको छ ।

यो कार्यक्रममा दराजले काठमाडौं र मुख्य सहरहरूमा मात्र नभएर ग्रामीण क्षेत्रका सीमान्तकृत समुदायमा पनि सेवा विस्तार गर्न राष्ट्रव्यापी डेलिभरी सेवा प्रदान गर्नेछ । २०२३ को डिसेम्बर महिनामा मात्र दराजका आधा ग्राहकले निःशुल्क डेलिभरी सेवाको लाभ लिएको कम्पनीले जनाएको छ । दराजसँग आबद्ध विक्रेताले निःशुल्क डेलिभरी सेवालाई एउटा औजारको रूपमा लिएर आफ्नो व्यापार व्यवसाय बढाउन पनि सक्छन् । विगतको तथ्याङ्क केलाउने हो भने दराजले निःशुल्क डेलिभरी सेवा प्रदान गर्दा विक्रेताको आयमा ७५ प्रतिशतको वृद्धि भएको देखिन्छ ।

दराजका प्रमुख परिचालन अधिकृत, विमल अर्यालले कम्पनीको प्लेटफर्ममा उपलब्ध विविध विधाका लाखौँ सामानहरू ग्राहकलाई समयमै सुपथ मूल्यमा प्रदान गर्ने मुख्य उद्देश्य रहेको बताए । २०२४ को पहिलो कार्यक्रम फ्रि डेलिभरी फेस्टिभलमा बैंक कार्ड वा डिजिटल वालेटबाट अग्रिम भुक्तानी गरेमा विशेष छुटका साथै अरू थुप्रै अफरहरू प्राप्त गर्न सक्ने बताइएको छ । कम्पनीका अनुसार ग्राहकले डेबिट कार्ड प्रयोग गरेर अग्रिम भुक्तानी गरेमा १५ प्रतिशतसम्म र क्रेडिट कार्ड प्रयोग गरेमा २० प्रतिशतसम्मको छुट प्राप्त गर्ने छन् ।