बोल्टका उत्पादन नेपालमा ल्याइने

काठमाडौं । भारतीय अडियो कम्पनी बोल्टको इयर–बड र स्मार्ट–वाचहरू नेपालमा उपलब्ध हुने भएका छन् । यसका लागि बोल्ट र शंकर ग्रुपको सहायक कम्पनी जगदम्बा मोबाइल्स प्रालिबीच सम्झौतापत्रमा हस्ताक्षर भएको छ ।

सन् २०१७ मा स्थापित बोल्टले हेडफोन, स्पिकर, स्मार्टवाच र वायरलेस, ब्लुटुथ, इन–इयर, र इयरफोनहरूलगायत अन्य अडियो र वेरेबल उत्पादनहरू डिजाइन र निर्माण गर्दै आएको छ । हालसम्म दुई करोडभन्दा बढी उत्पादनहरू बिक्री गरिसकेको कम्पनीले जनाएको छ । जगदम्बा मोबाइल्सका अनुसार कम्पनीले माग र आवश्यकताबमोजिमका बोल्ट स्मार्टवाच र टीडब्लुएस (ट्रु वायरलेस स्टेरियो) इयरबडहरू नेपालमा चाँडै उपलब्ध गराउन लागेको हो ।

पछिल्लो समय अडियो एसेसरिजहरूको माग तीब्र गतिमा बिक्री भइरहेको कम्पनीले जनाएको छ । बोल्टले भारतमा आक्रमक व्यावसाय विस्तार गरेसँगै अन्तर्राष्ट्रिय बजारमा पनि उपस्थिति जनाइरहेको छ । नेपाल पनि कम्पनीको प्रमुख बजार हुन सक्ने कम्पनीले विश्वास लिएको छ ।