हल्ट प्राइज नेपालसँग आईएमएस

काठमाडौं । हल्ट प्राइज नेपालले विद्यार्थीहरूसँग परिचय गर्न आईएमएस कलेजको अभिमुखीकरण सत्रमा भाग लिएको जनाएको छ । हल्ट नेपालको टोलीले सो कार्यक्रममा हल्ट प्राइजका मिसन र प्रभावका बारेमा प्रकाश पारेको थियो । सो सत्रको उद्देश्य विद्यार्थीहरूलाई हल्ट प्राइजको सार र सामाजिक उद्यमशीलता सशक्तीकरणमा यसको भूमिकाका बारेमा सिकाउने रहेको कम्पनीले जनाएको छ ।

हल्ट प्राइज नेपालको कन्ट्री को–अर्डिनेटर सुवी काफ्ले र ईभेन्ट को–अर्डिनेटर सुप्रिया श्रेष्ठले कार्यक्रममा सहभागी भई आफ्नो विज्ञता र अन्तरदृष्टिलाई जानकारीमूलक सत्र प्रस्तुत गरेका थिए । हल्ट प्राइज नेपालको टोलीले सबैलाई दिगो भविष्यतर्फको यात्रालाई प्रोत्साहित गर्ने गरेको छ । हल्ट प्राइज नेपाल सामाजिक उद्यमशीलताका लागि एक अग्रणी अधिवक्ता हो, शैक्षिक संस्था र संस्थाहरूसँगको सहकार्यमा प्रभावकारी परिवर्तन सिर्जना गर्न समर्पित छ ।