अनरको एक्सनाइन बी फाइभजी एक हप्तामै ‘आउट अफ स्टक’

काठमाडौं । छिमेकी मुलुक चीनमा अत्यधिक बिक्री हुने अनरको एक्सनाइन बी फाइभजी नेपाली बजारमा पनि उत्तिकै लोकप्रिय बन्दै गएको छ । नेपालका लागि अनरको आधिकारिक वितरक सेलट्रोन नेपालले द अनब्रेकेबल स्मार्टफोन अनर एक्सनाइन बी फाइभजी पहिलो हप्तामै सम्पूर्ण संख्या बिक्री गरेको जनाएको छ ।

कम्पनीले आयात भएको सम्पूर्ण संख्या बिक्री भएको सूचनामार्फत् जानकारी दिएको हो । पहिलो हप्तामै सम्पूर्ण इकाइहरूबाट बिक्री गरेसँगै आउट अफ स्टकको उपलब्धि मनाउँदै छ । यो फोन स्मार्टफोन क्षेत्रमै पहिलो पटक एसजीएसबाट फाइभ स्टार रेटिङ पाएको फोन हो ।

विक्रेता कम्पनीले यो स्मार्टफोन केही दिनमा फेरि बजारमा ल्याइने जनाएको छ । सिमलेस र डायनामिक स्मार्टफोन अनुभव खोज्नेहरूका लागि शीर्ष विकल्पको रूपमा रहेको यो स्मार्टफोनमा अल्ट्रा बाउन्स ड्रप रेजिस्टेन्स सर्टिफिकेसनसहितको बलियो र अल्ट्रा–टफ डिस्प्लेको विशेषता रहेको छ ।

यस फोनमा २५६ जीबीको स्टोरेज क्षमता रहनुको साथै यसले थप ८ जीबी भर्चुअल एक्सटेन्सनको साथमा १२ जीबीसम्मको मेमोरी पावर पनि प्रदान गरेको छ ।

यस फोनमा १०८ एमपीको रियर क्यामेरा, ५ एमपीको अल्ट्रावाइड र पछाडि २ एमपीको म्याक्रो लेन्स क्यामारा रहेको छ । साथै यसमा ५ हजार ८ सय मेगाहर्ज क्षमताको ब्याट्री रहेको छ ।