टीभीएसको एक लाख सेलिब्रेसन एनओजी राइड

काठमाडौं । टीभीएस मोटर कम्पनीको लागि नेपालको एकमात्र आधिकारिक वितरक जगदम्बा मोटर्सले एक लाख एन्टर्क स्कुटर बिक्री गर्न सफल भएको अवसरमा एनओजी राइड आयोजना गरेको छ ।

गत माघ २७ गते आयोजना भएको उक्त एनओजी राइड टीभीएसको नक्साल सोरुमबाट सुरु भएर शिवपुरीको द ग्रिन भ्याली रिसोर्टमा पुगेर समापन भएको थियो । उक्त एनओजी राइडमा सहभागीबीच विभिन्न गेमहरू पनि खेलाइएको थियो । साथै, एनओजी राइडमा उपस्थित करिब एक सय राइडर माझ आफ्नो परिचय र अनुभव पनि आदानप्रदान गरिएको थियो । सहभागी सम्पूर्ण राइडरहरूलाई सहभागिताको प्रमाणपत्र प्रदान पनि प्रदान गरिएको थियो । साथै, उक्त राइडमा स्कुटरहरू राखेर एक लाखको सुन्दर आकार पनि बनाइएको थियो ।

उक्त राइडमा हेड मार्सल गौरव पाठकले सडक सुरक्षाको बारेमा विभिन्न जानकारी प्रदान गर्नुको साथै राइडरले अपनाउनुपर्ने नियम र सुरक्षाको जानकारी गराएका थिए । राइडको समापन एक लाख सेलेब्रेसनको केक काटेर गरिएको थियो । टीभीएस एनटर्क बेस्ट–इन–क्लास पावर, पिक–अप र पर्फर्मेन्सको लागि लोकप्रिय छ ।