काठमाडौं, जेठ २२
नेपाल चेम्बर अफ कमर्सले व्यापार व्यवसाय सञ्चालन गर्न नदिएसम्म कर तिर्न नसकिने बताएको छ । कोरोना भाइरस संक्रमण नियन्त्रणका लागि गरिएको लकडाउनका कारण निजी क्षेत्र डामाडोल भइरहेको अवस्थामा कर तिर्न ताकेता गर्नु असान्दर्भिक भएको चेम्बरको भनाइ छ । कोभिड–१९ को प्रकोपका कारण मुलुक लकडाउनमा भएकोले समग्र आर्थिक एवम व्यावसायिक कारोबार ठप्प अवस्थामा तरलताको अभावले कर्मचारी मजदुरको पारिश्रमिकलगायत अन्य बैंकको ब्याज किस्ता तथा अन्य विविध खर्चहरु समेत धान्न नसकिरहेको अवस्थामा तत्काल कर तिर्न नसकिने भन्दै चेम्बरले लकडाउन समाप्त भई व्यावसायिक वातावरण सुचारु भएको ३ महिनामा कर विवरण एवं रकम बुझाउने व्यवस्था गर्न सरकारसँग आग्रह गरेको छ ।
चेम्बरले एक विज्ञप्ति जारी गर्दै भनेको छ, ‘आ.व. २०७७/०७८ को प्रस्तुत बजेट सम्बोधनको क्रममा समेत व्यावसायिक क्षेत्रले भोगिरहेको कठिन चुनौतीलाई स्वीकार गरिसकेको अवस्था पनि छ । यस्तो कठिन अवस्थामा व्यावसायिक क्षेत्रबाट नगद प्रवाहको अभावले तत्कालै कुनै पनि करहरु तिर्न असमर्थ रहेको अवस्थामा आयकर, मूल्य अभिवृद्धि कर र अन्तःशुल्कको विवरण र कर रकम लकडाउनको अवधिमा बुझाउने म्याद जारी हुनु आफैँमा विडम्बनापूर्ण रहेको छ ।’ साथै चेम्बरले स्वास्थ्य सुरक्षाको प्रत्याभूतिका साथ लकडाउनको अवधिमा पनि व्यापार व्यवसाय सञ्चालन गर्ने वातावरण सिर्जना गर्न माग गरेको छ । सरकारले मंगलबार एक सूचना जारी गरी जेठ २५ गतेसम्म कर बुझाइसक्न निर्देशन दिएको थियो तर त्यसको चौतर्फी विरोध भए पनि सरकारले कर तिर्ने म्याद थपेर असार ७ गतेसम्म पु-याएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया