रियलमी सी–५५ अब भारी छुट मूल्यमा

काठमाडौं । स्मार्टफोन ब्रान्ड रियलमीको रियलमी सी–५५ अब भारी छुट मूल्यमा उपलब्ध हुने भएको छ । कम्पनीले यो फोनको मूल्य छ हजार पाँच सय रुपैयाँ घटाएको हो ।

कम्पनीका अनुसार पहिला २१ हजार नौ सय ९९ रुपैयाँमा उपलब्ध रहेको ६÷६४ जीबी स्टोरेज भेरियन्टको रियलमी सी–५५ मूल्य अब भने १५ हजार चार सय ९९ रुपैयाँ हुने भएको छ । रियलमी सी–५५ मा भएको सबैभन्दा मुख्य फिचर यसमा भएको ६४ एमपीको क्यामरा हो । त्यस्तै, यसको सेल्फी क्यामरामा ८ एमपीको लेन्स छ, जसले १०८० पीको भिडियो रेकर्ड गर्न सक्छ । रियलमी सि–५५ मा पाँच हजार एमएचको शक्तिशाली ब्याट्री राखिएको छ, जसले रिभर्स चार्जिङ पनि सपोर्ट गर्छ । यसैगरी यसमा २९ मिनेटमै आधाभन्दा बढी चार्ज हुने क्षमताको ३३ वाटको सुपरभोक चार्जिङ टेक्नोलोजी रहेको छ ।

रियलमी सी–५५ मा भएको मेडियाटेक हेलियो जी ८८ चिपसेटले प्रयोगकर्ताहरूलाई सिमलेस युजर एक्स्पिरियन्स प्रदान गर्छ । त्यस्तै, यसको अक्टाकोर प्रोसेसरले पावरफुल र प्रभावकारी पर्फर्मेन्स दिन्छ । ६४ बिटको सीपीयू र १२ एनएमको चिपसेट भएको हुँदा रियलमी सी ५५ मा पावर इफिसियन्सी हुनुको साथै हिट जेनेरेसन पनि कम हुन्छ ।